- 2019-02-03 03:02:12
- បាល់ទាត់
"ពេលខ្លះរាងកាយរបស់ខ្ញុំនិយាយថាទេ" ៖ De Bruyne បង្ហើបពីការប្រយុទ្ធជាមួយនឹងរបួស
- 2019-02-03 03:02:12
- ចំនួនមតិ 0 | ចំនួនចែករំលែក 0
"ពេលខ្លះរាងកាយរបស់ខ្ញុំនិយាយថាទេ" ៖ De Bruyne បង្ហើបពីការប្រយុទ្ធជាមួយនឹងរបួស
ចន្លោះមិនឃើញ
បញ្ហារបួសជង្គង់រដូវកាលមុន បានកំហិតតារាឆ្នើមបែលហ្ស៊ិកបានចូលលេងខ្លះ អត់ខ្លះមកទល់នឹងរដូវកាលនេះ ហើយ កំពូលកីឡាកររូបនេះជឿថាស្ថានភាពអាក្រក់នៃជម្ងឺកំពុងតាមលងបន្លាចខ្លួនរៀងរាល់ថ្ងៃ។
Kevin De Bruyne បានទម្លាយថារាល់ថ្ងៃខ្លួនកំពុងប្រយុទ្ធប្រជែងយ៉ាងខ្លាំងជាមួយស្ថានភាពជម្ងឺ ហើយកីឡាកររបស់ Manchester City រូបនេះបានសារភាពថាខ្លួនមិនអាចឈានដល់កម្រិតកំពូលនៅឡើយសម្រាប់រដូវកាល ២០១៨-១៩ នេះ។
De Bruyne វ័យ ២៧ ឆ្នាំត្រូវបានគេចាត់ទុកថាជាខ្សែបម្រើកណ្តាលដ៏ល្អបំផុតនៅលើផែនដីនេះសម្រាប់ពេលបច្ចុប្បន្ន។
រដូវកាលនេះ De Bruyne ទើបបានចូលលេងពេញលេញ Premier League បាន៣ដងប៉ុណ្ណោះ មកពីរបួសជង្គង់ដែលនៅតាមយាយីសល់ពីរដូវកាលមុន ហើយអតីតកីឡាករ Chelsea បានទទួលស្គាល់ថាបញ្ហាសន្លាក់របស់ខ្លួន នៅតែមិនព្រមជាដាច់។
"ពេលខ្លះខ្ញុំមានអារម្មណ៍ល្អ ជួនកាលខ្ញុំមានអារម្មណ៍ថាកាន់តែអាក្រក់ទៅៗ ឬ ខ្ញុំត្រូវការពេល១ថ្ងៃដើម្បីសម្រាកឲ្យរាងកាយធូរស្រាលឡើងវិញ។...ប៉ុន្តែយើងមានប្រកួតច្រើន ដែលខ្ញុំមានអារម្មណ៍ថាពេលខ្លះលេងល្អ និង ពេលខ្លះលេងមិនសូវល្អ។ អ្នករាល់គ្នាក៏អាចមើលឃើញ ហើយនេះវាធម្មតាទៅហើយ"។
កន្លងមកលោក Jose Mourinho ក៏ធ្លាប់បានរិះគន់នឹងកាលវិភាគរដឹកនៅអង់គ្លេស ថាជាកត្តាដែលធ្វើឲ្យគុណភាពលីគប្រទេសនេះមិនសូវមានគុណភាព ព្រោះកីឡាករនីមួយៗត្រូវធ្វើការធ្ងន់ ហើយលោកថាពានមួយចំនួនដូចជា Carabao Cup ជាដើមមិនចាំបាច់ ឬ បើអត់រឹងតែល្អ៕