- 2019-01-17 11:21:41
- បាល់ទាត់
ប្រកួត Final ទាំង៥ ដែល Ronaldo រកគ្រាប់បាល់បាន
- 2019-01-17 11:21:41
- ចំនួនមតិ 0 | ចំនួនចែករំលែក 0
ប្រកួត Final ទាំង៥ ដែល Ronaldo រកគ្រាប់បាល់បាន
ចន្លោះមិនឃើញ
ខ្សែប្រយុទ្ធសញ្ជាតិព័រទុយហ្គាល់កីឡាករ Cristiano Ronaldo បានលេង ៤ក្លឹបមកហើយក្នុងរយៈពេលជាងពីរទសវត្សនៃអាជីពរបស់គេ។ ក្នុងនោះដែរ រូបគេបានឆ្លងកាត់វគ្គផ្ដាច់ព្រាត់នៃពានធំៗច្រើនដងមកហើយ តែក្នុងនោះមានតែប្រកួតវគ្គផ្ដាច់ព្រាត់ចំនួន ៥ប៉ុណ្ណោះដែល កីឡាករម្ចាស់ Ballon d'Or ៥សម័យបានស៊ុតចូល។ ប្រកួតទាំងនោះមានដូចជា៖
១. វគ្គផ្ដាច់ព្រាត់ UEFA Champions League ឆ្នាំ ២០០៨៖ ជាប្រកួតវគ្គផ្ដាច់ព្រាត់ពានកំពូលអឺរ៉ុបរវាងក្លឹបអង់គ្លេសទាំង ២ ដោយកាលនោះ Ronaldo នៅជាកីឡាកររបស់ក្លឹប Manchester United ហើយរកគ្រាប់បាន ១គ្រាប់ពេលប៉ះនឹងក្លឹប Chelsea ។
២. វគ្គផ្ដាច់ព្រាត់ UEFA Champions League ឆ្នាំ ២០១៤៖ ជាប្រកួតវគ្គផ្ដាច់ព្រាត់ពានកំពូលអឺរ៉ុបរវាង Real Madrid និង Atletico Madrid។ នៅពេលនោះ Ronaldo បានស៊ុតបាល់ពិន័យ ១១ម៉ែត្រចូល នៅម៉ោងបន្ថែម។
៣. វគ្គផ្ដាច់ព្រាត់ UEFA Champions League ឆ្នាំ ២០១៧៖ ជាប្រកួតវគ្គផ្ដាច់ព្រាត់ពានកំពូលអឺរ៉ុបរវាង Juventus និង Real Madrid កាលនោះខ្សែប្រយុទ្ធព័រទុយហ្គាល់រូបនេះ បានស៊ុតចូល ២គ្រាប់។
៤. វគ្គផ្ដាច់ព្រាត់ Supercopa Espana ជើងទី ១ ឆ្នាំ ២០១៧៖ ជាប្រកួត El Clasico ដែលធ្វើឡើងនៅទឹកដី Barcelona។ ពេលនោះ Ronaldo បានស៊ុតចូល ១គ្រាប់។
៥. វគ្គផ្ដាច់ព្រាត់ Supercoppa de Italia ឆ្នាំ ២០១៩៖ ជាប្រកួតរវាង Juventus និង AC Milan កាលពីយប់ថ្ងៃពុធកន្លងទៅ។ ក្នុងយប់នោះដែរ ខ្សែប្រយុទ្ធវ័យ ៣៣ឆ្នាំរូបនេះ បានស៊ុតចូល ១គ្រាប់៕