- 2019-01-15 04:03:20
- បាល់ទាត់
Zlatan ថាឲ្យ Ronaldo ចុកៗរឿងផ្លាស់ទៅ Juventus មិនមែនជាការប្រជែងថ្មីអ្វីទេ
- 2019-01-15 04:03:20
- ចំនួនមតិ 0 | ចំនួនចែករំលែក 0
Zlatan ថាឲ្យ Ronaldo ចុកៗរឿងផ្លាស់ទៅ Juventus មិនមែនជាការប្រជែងថ្មីអ្វីទេ
ចន្លោះមិនឃើញ
Zlatan Ibrahimovic បានរិះគន់លើ Cristiano Ronaldo ចំពោះការផ្លាស់ទី Juventus ថាមិនមែនជាការទៅរកការប្រជែងថ្មីអ្វីនោះទេ។
ម្ចាស់ពាន Ballon d'Or ៥សម័យបានផ្ទេរទៅលេងជាមួយម្ចាស់ជើងឯក Serie A ក្នុងតម្លៃ១០០លានអឺរ៉ូកាលពីរដូវក្ដៅកន្លងទៅ បញ្ចប់ការរួមរស់៩រដូវកាលនៅអេស្ប៉ាញ។ នៅទីនោះកីឡាករវ័យ៣៣ឆ្នាំនៅតែបន្តសាងកេរ្តិ៍ឈ្មោះដោយរកបាន១៥គ្រាប់ ក្នុងបង្ហាញខ្លួន២៥ប្រកួត។
រយៈពេលខ្លីបន្ទាប់ពីផ្លាស់ទៅទីក្រុង Turin អតីតកីឡាករ Man Utd បាននិយាយថា ការចូលរួមជាមួយ Juventus គឺជាការប្រកួតប្រជែង និងប្រាប់ឲ្យ Lionel Messi គួរតែធ្វើតាមជំហាននេះ។ ទោះជាយ៉ាងណាក្ដី ពេលនេះ Ibrahimovic បានរិះគន់លើសម្ដីរបស់ Ronaldo និងថាជារឿងអស់សំណើច។
“Cristiano កំពុងតែនិយាយអំពីការប្រកួតប្រជែងថ្មី។ គេថានេះជាការប្រជែងដែលផ្លាស់ទៅកាន់ក្លឹបឈ្នះពាន Serie A ក្លាយជារឿងធម្មតាទៅហើយ។ ហេតុអីគេមិនជ្រើសរើសក្លឹបមួយដែលលេងនៅលីគទី២កាលពីប៉ុន្មានឆ្នាំមុន? ព្យាយាមជួយពួកគេឲ្យក្លាយជាជើងឯក និងនាំពួកគេឡើងទៅកម្រិតខ្ពស់បំផុតជាមួយការប្រកួតប្រជែងមួយ។ សម្ដី Zlatan Ibrahimovic៕
