ឪពុក សេរីវណ្ណថង៖ បើបានសង្វៀនចាស់មួយបង្ហាត់សិស្ស មិនដឹងជាល្អយ៉ាងណា...

2018-10-31 09:05:37
ប្រដាល់

2018-10-31 09:05:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុករបស់កីឡាករ ឈិត សេរីវណ្ណថង សព្វថ្ងៃនេះបើនិយាយពីសម្ភារហ្វឹកហាត់វិញគឺចាស់ៗអស់ហើយ មិននៅខ្វះខាតច្រើនទៀត ជាក់ស្ដែងទាំងកម្រាលហាត់ និងសង្វៀនក៏គ្មានដែរបច្ចុប្បន្ននេះ។

សិស្សគុនរបស់លោក ឈុត សេរី

លោក ឈុត សេរី បានឲ្យដឹងថា សព្វថ្ងៃនេះមានសិស្សច្រើនដែរ ដែលមកសុំហាត់រៀនជាមួយ វាក៏ត្រូវនិងចិត្តដែលលោកស្រឡាញ់ចង់ពង្រីកផ្សព្វផ្សាយប្រដាល់គុនខ្មែរឲ្យរីកចម្រើន ទើបចេះតែទទួលបង្រៀនផងទៅ បើទោះជាក្លឹបមានការខ្វះខាតយ៉ាងណាក្ដី។

លោក ឈុត សេរី និងកូនសិស្ស

អ្នកប្រដាល់ជើងចាស់ម្នាក់នេះបន្ថែមថា បញ្ហាប្រឈមគឺមានច្រើនសម្ភារហ្វឹកហាត់ចាស់ៗ និងខ្វះខាត ដូចស៊ីប ហ្រ្គង់ ឬកម្រាលជាដើម ពេលហាត់ចាប់ឡាំជង្គង់ៗ ដួលដាច់ដៃដាច់ជើង ឬសន្លប់ក៏មានដែរ។ ឃើញក្លឹបគេខ្លះមានសង្វៀនតូចសមរម្យសម្រាប់បង្ហាត់សិស្ស ឪពុករបស់ជើងខ្លាំងខាងលើនេះក៏ចង់បានដែរ ព្រោះពេលខ្លះត្រូវបង្ហាត់ដើរបុក ហើយត្រូវដួលលើរបងក៏មានដែរ។ ធនធានគ្រូប្រដាល់រូបនេះ ក៏សំណូមពរដល់សប្បុរសជនគ្រប់ទិសទី បើមានចាស់ៗក៏បាន ឬសម្ភារហ្វឹកហាត់ផ្សេងៗចង់ឲ្យឧបត្ថម្ភ លោករីករាយនិងទទួលជានិច្ច ដើម្បីរួមចំណែកផ្សព្វផ្សាយកីឡាមួយនេះបន្តទៀត។

ឈិត សេរីវណ្ណថង(ក្រហម)

លោក ឈុត សេរី ជាឪពុកបង្កើតរបស់ជើងខ្លាំង ឈិត សេរីវណ្ណថង និងជាអតីតគ្រូរបស់លោក សាន សៅយ៉ាន់។ បច្ចុប្បន្នក្លឹបរបស់លោកនៅក្នុងភូមិ ព្រែកឆ្ដោ ឃុំពាមឯក ស្រុកឯកភ្នំ ខេត្តបាត់ដំបង ឬតាមលេខទំនាក់ទំនងរបស់លោកផ្ទាល់ ០៩២ ៤៦ ២២ ៥៣៕

អត្ថបទ៖ នួន ស៊ីណា