- 2018-09-15 02:23:47
- បាល់ទាត់
PSG ឈ្នះក្នុង Ligue 1 ធំធេង គំរាម Liverpool មុនជួបគ្នានៅ UCL
- 2018-09-15 02:23:47
- ចំនួនមតិ 0 | ចំនួនចែករំលែក 0
PSG ឈ្នះក្នុង Ligue 1 ធំធេង គំរាម Liverpool មុនជួបគ្នានៅ UCL
ចន្លោះមិនឃើញ
ក្លឹបអ្នកមាន Paris St-Germain បានបង្ហាញអំណាចរបស់ខ្លួនគំរាមខាង Liverpool មុនជួបគ្នានៅ Champions League ដើមសប្ដាហ៍ក្រោយ ដោយលត់ Saint-Etienne ក្នុង Ligue 1 ៤ទល់នឹង០ កាលពីយប់មិញ។
ការប្រកួតដែលគ្មាន Kylian Mbappe (ជាប់បម្រាម) និង Neymar ទុកឲ្យសម្រាក PSG បានរកបាន១គ្រាប់ដំបូងដោយខ្សែប្រយុទ្ធ Julian Draxler នៅនាទី២៣។ ឈានដល់វគ្គទីពីរ PSG បន្តបង្ហាញការលេងដ៏ល្អ ដោយរកបាន៣គ្រាប់បន្ថែមទៀតធ្វើបានពីសំណាក់កីឡាករ Edinson Cavani, Di Maria និង Diaby។
ជោគជ័យនេះធ្វើក្រុមលោក Thomas Tuchel បន្តស្ថិតនៅលេខ១ ឆ្លងកាត់៥ប្រកួតឈ្នះទាំងអស់ ឯ Saint-Etienne នៅលេខ១២។ នៅថ្ងៃអង្គារសប្ដាហ៍ក្រោយ ថ្ងៃបើកឆាកប្រកួតដំបូងនៅ Champions League ក្លឹប PSG ត្រូវទៅសួរសុខទុក្ខ Liverpool នៅទឹកដី Anfield៕