- 2018-08-02 11:17:08
- បាល់ទាត់
Higuain លា Juventus មួយរយៈ ស្របពេល Bonucci ចាកចោលពី AC Milan
- 2018-08-02 11:17:08
- ចំនួនមតិ 0 | ចំនួនចែករំលែក 0
Higuain លា Juventus មួយរយៈ ស្របពេល Bonucci ចាកចោលពី AC Milan
ចន្លោះមិនឃើញ
ក្នុងថ្ងៃនេះ អ្នកចាត់ការក្លឹប Juventus លោក Massimiliano Allegri បានបញ្ជាក់ថា ខ្សែប្រយុទ្ធ Ganzalo Higuain និងកីឡាករ Mattia Caldara នឹងចាកចេញពី Juventus ទៅចូលរួមជាមួយ AC Milan ខណៈខ្សែការពារ Leonardo Bonucci ធ្វើការផ្ទេរបញ្ច្រាសមកវិញ។
លោក Allegri បាននិយាយ៖ “Leonardo Bonnucci បានត្រលប់មកចូលរួមជាមួយយើងវិញហើយបន្ទាប់ពីចាកចេញរយៈពេលមួយឆ្នាំ។ ការលេងរបស់គេក្នុងរយៈពេល ៦ ខែក្រោយចុងក្រោយ បានបញ្ជាក់យ៉ាងច្បាស់ថា គេមិនមានការប្រែប្រួលនោះទេ"។
អ្នកចាត់ការដដែលបានបន្ត៖ "Higuain បានលេងឲ្យយើងបានយ៉ាងល្អក្នុងរយៈពេល ២ ឆ្នាំកន្លងមកនេះ។ ពួកយើងអរគុណគេខ្លាំងណាស់។ Milan ច្បាស់ណាស់បានផ្ទេរកីឡាករបានយ៉ាងល្អ"។
លោក Allegri បានសរសើរខ្សែការពារវ័យ ២៤ឆ្នាំ Mattia Caladara ថាមានវ័យក្មេង និងមានអនាគតនៅក្លឹប ប៉ុន្តែស្ថានភាពទីផ្សារដោះដូរបានបង្ខំឲ្យក្លឹបសេះបង្កង់ផ្ទេរកីឡាករចេញ។
បើតាមប្រភពនៅអ៊ីតាលី ការផ្ទេរនេះ គឺជាការដោះដូរកីឡាករ ដោយ Bonnucci នឹងចូលរួមវិញជាមួយ Juventus ហើយ Caladara នឹងត្រូវចូលរួមដាច់ជាមួយ AC Milan ខណៈ Higuain នឹងលេងឲ្យក្លឹបអ៊ីតាលីក្នុងនាមជាកីឡាករខ្ចីជើង ជាមួយនឹងលក្ខខណ្ឌដែលអនុញ្ញាតឲ្យក្លឹបអាចទិញដាច់នៅរដូវកាលបន្ទាប់។
កាលពីរដូវកាលមុន Bonnucci បានចាកចេញពី Juventus ទៅលេងឲ្យ AC Milan ក្នុងតម្លៃ ៤២ លានអឺរ៉ូ (ប្រមាណ ៤៨ លានដុល្លារសហរដ្ឋអាមេរិក)។ នៅក្លឹបអ៊ីតាលី កីឡាករវ័យ ៣១ លេងបាន ៥១ ប្រកួត និងស៊ុតចូល ២ គ្រាប់។
ក្រោយចាកចេញពី Napoli កាលពីឆ្នាំ ២០១៦ មកចូលរួមជាមួយ Juventus ខ្សែប្រយុទ្ធ Higuain បានបង្ហាញទម្រង់លេងបានយ៉ាងល្អ។ កីឡាករអាហ្សង់ទីនលេងសរុប ១០៥ ប្រកួត និងស៊ុតចូល ៥៥គ្រាប់។
ខ្សែការពារ Caladara ត្រូវបាន Juventus ទិញកាលពីដើមឆ្នាំ ២០១៧ តែមិនបានលេងឲ្យក្លឹបផ្លូវការសូម្បីមួយប្រកួត ដោយកីឡាករត្រូវបានក្លឹបអ៊ីតាលីបញ្ជូនក្នុងនាមជាកីឡាករខ្ចីជើងឲ្យក្លឹប Atlanta រហូតចប់រដូវកាល ២០១៧/១៨៕