- 2018-07-21 06:45:27
- បាល់ទាត់
កំពង់ឆ្នាំងលត់ ស្រុកស្អាង ១៣-០ ក្នុងពាន Acleda Cup 2018
- 2018-07-21 06:45:27
- ចំនួនមតិ 0 | ចំនួនចែករំលែក 0
កំពង់ឆ្នាំងលត់ ស្រុកស្អាង ១៣-០ ក្នុងពាន Acleda Cup 2018
ចន្លោះមិនឃើញ
ក្រុមសាខាខេត្តកំពង់ឆ្នាំងបានបំបាក់ក្រុមសាខាស្រុកស្អាង ដោយលទ្ធផល ១៣-០ ក្នុងព្រឹត្តិការណ៍ Acleda Cup 2018 សប្ដាហ៍ទី៤ នៃវគ្គសន្សំពិន្ទុពូល A ដែលទើបតែបញ្ចប់មុននេះនៅទីលានស្កាយសមុទ្រ។
១៣ គ្រាប់របស់ក្រុមសាខាខេត្តកំពង់ឆ្នាំងរកបានដោយកីឡាករ មាស សុវណ្ណារិទ្ធ ៦ គ្រាប់ គឹម ទេពី ៣ គ្រាប់ ជៀម វាសនា ២ គ្រាប់ ជឹម សុផា ១ គ្រាប់ និងសន រិទ្ធិយា ១ គ្រាប់។ ៤ ប្រកួតរបស់ក្រុមនេះកន្លងមកឈ្នះ ២ និងស្មើ ២ ។ ចំណែកក្រុម ស្រុកស្អាង ៤ ប្រកួតចាញ់ទាំងអស់។
ខណៈគូទី១នៅទីលាននេះដដែល ដែលបានប្រកួតកាលពីព្រឹកគឺក្រុម សាខាពោធិ៍សែនជ័យ ចាញ់ក្រុមពោធិចិនតុង ៦-២។ ៦ គ្រាប់របស់ពោធិចិនតុងរកបានដោយ ម៉ៅ ម៉េត ៣ គ្រាប់ យឹម សូកានីន ២ គ្រាប់ ស្នា យ៉ូវ ១ គ្រាប់ ឆ្លងកាត់ ៤ ប្រកួតរបស់ក្រុមនេះឈ្នះ ៣ និងស្មើ ១។ រីឯ ២ គ្រាប់របស់ពោធិ៍សែនជ័យរកបានដោយ សា ពន្លក ១ គ្រាប់ និង សុខ គង្គា ១ គ្រាប់ ៤ប្រកួតរបស់ក្រុមនេះ ចាញ់ ៣ និងស្មើ ១។
ទន្ទឹមគ្នានោះគូទី២ដែលលេងនៅទីលានស្កាយសមុទ្រនេះដែរគឺក្រុម បាទី បានយកឈ្នះក្រុមបឹងត្របែកដោយលទ្ធផល ២-១ ដែល ២ គ្រាប់របស់បាទីរកបានដោយកីឡាករ ណុន សុទ្រី ទាំង ២ គ្រាប់ និងមួយគ្រាប់របស់បឹងត្របែករកបានដោយកីឡាករ ហាត់ បូរី។ ៤ ប្រកួតរបស់បាទីគឺឈ្នះ ៣ និងចាញ់ ១ ខណៈ ៤ ប្រកួតរបស់បឹងត្របែកឈ្នះ២ ចាញ់ ២។
នៅទីលានវេស្ទើនវិញក៏មានការប្រកួតចំនួន ២គូផងដែរ ដែលក្រុមគូទី១គឺក្រុម ការិយាល័យកណ្ដាល « គ » ស្មើជាមួយក្រុម ឫស្សីកែវ ១ ដោយលទ្ធផល ២-២ ។ ២គ្រាប់របស់ការិយាល័យកណ្ដាល « គ » រកបានដោយកីឡាករ អ៊ូ សាវរ៉ាត់ និង ពុធ សុភ័ក្រ ក្រុមនេះ ៤ ប្រកួត ស្មើ ៣ ឈ្នះ ១ ។ ស្របពេល ២គ្រាប់របស់ ឫស្សីកែវ ១ គឺរកបានដោយ អេង សុធា និង ទូច លីមហ័រ ក្រុមនេះ ៤ ប្រកួតឈ្នះ ១ ស្មើ ១ និងចាញ់ ២។
នៅទីលានវេស្ទើនដដែល ដែលជាគូទី២គឺក្រុម សាខាស្រុកកំពង់ត្របែក ស្មើ សាខាស្រុកអង្គស្នួល-ឃុំដំណាក់អំពិល ២-២។ ២គ្រាប់របស់ស្រុកអង្គស្នួលរកបានដោយ ភុន រដ្ឋា ទាំង ២ គ្រាប់ ហើយក្រុមនេះ ៤ ប្រកួតរបស់គេឈ្នះ២ ស្មើ ១ និងចាញ់ ១។ ចំណែក ២ គ្រាប់របស់កំពង់ត្របែករកបានដោយកីឡាករ តូច បេឡា ទាំងពីរគ្រាប់ ក្រុមនេះឆ្លងកាត់ ៤ ប្រកួតកន្លងមកគឺឈ្នះ ១ ស្មើ ១ និងចាញ់ ២ ៕
