- 2018-07-12 04:32:41
- បាល់ទាត់
គ្រូខេត្តកំពត រៀបរាប់ពីផលវិបាកក្នុងការចូលរួម Hun Sen Cup ថ្នាក់ជាតិ
- 2018-07-12 04:32:41
- ចំនួនមតិ 0 | ចំនួនចែករំលែក 0
គ្រូខេត្តកំពត រៀបរាប់ពីផលវិបាកក្នុងការចូលរួម Hun Sen Cup ថ្នាក់ជាតិ
ចន្លោះមិនឃើញ
លោក យី ប៊ុនធឿន គ្រូបង្វឹកបាល់ទាត់ខេត្តកំពត រៀបរាបពីទុក្ខលំបាកក្នុងការចូលរួមលេងពាន Hun Sen Cup 2018 ថ្នាក់ជាតិ ក្រោយចាញ់ណាហ្គាវើល ៥-១ ម្សិលមិញ។
គ្រូបង្វឹករូបនេះបានឲ្យដឹងថា កូនក្រុមរបស់ខ្លួនមួយផ្នែកជាអ្នកនេសាទ មានអ្នកខ្លះធ្វើការជាមន្ត្រីរាជការ និងជាសិស្ស ហេតុដូច្នេះមានការលំបាកខ្លាំងក្នុងការប្រមូលផ្ដុំ ដើម្បីហ្វឹកហាត់។ ក្នុងការចូលរួមប្រកួតលើកនេះមានការត្រៀមខ្លួនតិចមែនទែន។
លោកថា កីឡាករទាំងអស់សុទ្ធតែមានការស្ម័គ្រចិត្តចូលរួមលេង ដើម្បីមុខមាត់ខេត្ត ដូច្នេះលោកមិនអាចរឹតបន្តឹង ចំពោះការហ្វឹកហាត់ខ្លាំងពេកឡើយ។ មែនទែនទៅលោកក៏គ្មានក្ដីរំពឹងអាចផ្ដួល ណាហ្គា ដើម្បីឡើងទៅកាន់វគ្គបន្តនោះដែរ ពីព្រោះដៃគូមួយនេះជាក្រុមខ្លាំងក្នុងលីគអាជីពកម្ពុជា។
ការប្រកួតជើងទី២ រវាងក្រុមខេត្តកំពត និង ណាហ្គាវើល នឹងធ្វើឡើងនៅថ្ងៃទី១៨ ខែកក្កដា ឆ្នាំ២០១៨ នៅទឹកដីខេត្តកំពត៕
