- 2018-06-11 00:13:24
- បាល់ទាត់
ភាពយន្ត៤នាទី បង្ហាញខ្ទេចពីខ្សែជីវិត Messi ពីដើមដល់បច្ចុប្បន្ន
- 2018-06-11 00:13:24
- ចំនួនមតិ 0 | ចំនួនចែករំលែក 0
ភាពយន្ត៤នាទី បង្ហាញខ្ទេចពីខ្សែជីវិត Messi ពីដើមដល់បច្ចុប្បន្ន
ចន្លោះមិនឃើញ
"មានក្តីសុបិន្ត ហើយកុំបោះបង់រហូតដល់វាក្លាយជាការពិត (Have a dream and never stop chasing it until it comes true)" នេះគឺជាខ្លឹមសារនៃភាពយន្ត 3D ស្តីពី ខ្សែជីវិតរបស់កំពូលកីឡាករ Leo Messi ដែលត្រូវបានផលិតដោយក្រុមហ៊ុនផលិតស្ប៉តពាណិជ្ជកម្មកីឡារបស់អាមេរិក Gatorade។
ភាពយន្តគំនូរជីវចល ដែលមានប្រវែង ៤នាទី និង ២០ វិនាទី ត្រូវបានបង្ហោះនៅលើ page ផ្លូវការរបស់ Leo Messi កាលពីថ្ងៃទី៥ ខែមិថុនានេះ នឹងមានអ្នកចូលទស្សនាជាង ៦ លានដង។
ក្នុងខ្សែវីដេអូនេះបង្ហាញថា តារាឆ្នើមសញ្ជាតិអាហ្សង់ទីន ធ្លាប់បាក់ទឹកចិត្តធ្ងន់ធ្ងរចំនួន២លើក។ តែរាល់លើក Leo Messi តែងលើកទឹកចិត្តខ្លួនឯងថា "មានក្តីសុបិន្ត ហើយកុំបោះបង់រហូតដល់វាក្លាយជាការពិត"។
លើកទី១នៅវ័យកុមារភាព នៅពេលដែលកុមារ Messi មកចាប់កំណើតជាមួយនឹងទេពកោសល្យជំនាញលេងបាល់ពីធម្មជាតិ ប៉ុន្តែ កំពូលកីឡាកររូបនេះត្រូវបាក់ទឹកចិត្តដោយសារវេជ្ជបណ្ឌិតប្រាប់ថា Messi ជួបបញ្ហាលូតលាស់យឺតជាងក្មេងទូទៅ អំឡុងពេលរូបគេកំពុងលេងនៅក្លឹប Newell's Old Boys ជាក្រុមដំបូងរបស់ម្ចាស់ពាន Ballon d'Or ៥សម័យកាល មុនពេលដែលកុមារតូចល្អិតវេចបង្វេចទៅលេងឲ្យក្លឹប Bacelona នៅដើមឆ្នាំ ២០០០។
លើក២ Messi ភ្លាត់ទាត់បាល់ពិន័យ១១ម៉ែត្រមិនចូល និង មិនអាចជួយអាហ្សង់ទីនលើកពាន Copa America ក្នុងជំនួបផ្ដាច់ព្រ័ត្រ ទល់នឹងឈីលីកាលពីឆ្នាំ ២០១៦។ បន្ទាប់មក ប្រធានក្រុមជម្រើសជាតិអាហ្សង់ទីនប្រកាសចូលនិវត្តន៍ តែក្រោយមក Messi បានសម្រេចចិត្តត្រលប់ទៅជួយក្រុមជម្រើសជាតិវិញ។
សូមទស្សនាវីដេអូខាងក្រោម៖