- 2017-09-05 04:42:03
- ព័ត៌មាន
ដូចការសន្យា ទឹកប្រាក់រាប់ម៉ឺនដុល្លារ ប្រគល់ដល់ដៃម្ចាស់មេដាយស៊ីហ្គេមហើយ
- 2017-09-05 04:42:03
- ចំនួនមតិ 0 | ចំនួនចែករំលែក 0
ដូចការសន្យា ទឹកប្រាក់រាប់ម៉ឺនដុល្លារ ប្រគល់ដល់ដៃម្ចាស់មេដាយស៊ីហ្គេមហើយ
ចន្លោះមិនឃើញ
ដើម្បីជាការលើកទឹកចិត្តដល់ជយលាភី ដែលដណ្តើមបានមេដាយមកកាន់មាតុប្រទេសវិញ ក្នុងព្រឹត្តិការណ៍ស៊ីហ្គេមលើកទី២៩ ឆ្នាំ២០១៧ ដែលបានរៀបចំឡើងនៅទីក្រុងកូឡាឡំពួរ ប្រទេសម៉ាឡេស៊ី កន្លងទៅនេះ ស្រាបៀរអង្គរ សហការគ្នាជាមួយគណកម្មាធិការជាតិអូឡាំពិកកម្ពុជា (NOCC) ផ្តល់រង្វាន់លើកទឹកចិត្តជាទឹកប្រាក់ ៦ពាន់ដុល្លារ ៣ពាន់ដុល្លារ និង ១ពាន់ដុល្លារអាមេរិកចំពោះអត្តពលិកវិញ្ញាសារឯកត្តជនដែលឈ្នះមេដាយមាស ប្រាក់ និងសំរឹទ្ធិ ។ ចំណែកអត្តពលិកដែលប្រកួតវិញ្ញាសារជាក្រុម នឹងទទួលបានរង្វាន់លើកទឹកចិត្តជាទឹកប្រាក់ ៨ពាន់ដុល្លារ ៥ពាន់ដុល្លារ និង៣ពាន់ដុល្លារសម្រាប់ជយលាភីមេដាយ មាស ប្រាក់ និងសំរឹទ្ធ ដូចដែលធ្លាប់បានសន្យាមុនរៀបចំចេញដំណើរទៅប្រកួត។
ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា បានផ្តល់កិត្តិយសជាគណៈអធិបតីនៅក្នុងពិធីយប់មិញ បានថ្លែងអំណរគុណចំពោះស្រាបៀរអង្គរ ដែលតែងតែគាំទ្រអស់ពីបេះដូងចំពោះអត្តពលិកជាតិ។ លោកបានមានប្រសាសន៍ថា៖ “គណកម្មាធិការជាតិអូឡាំពិកកម្ពុជាមានក្តីរំភើបឥតឧបមា ដែលតែងតែទទួលបានការគាំទ្រពីស្រាបៀរអង្គរ ក្នុងកិច្ចការលើកស្ទួយវិស័យកីឡាជាតិ ឲ្យទទួលបានជោគជ័យ។ យើងជឿជាក់ថាកិច្ចសហការនេះនឹងជួយជំរុញវិស័យកីឡាឲ្យលេចធ្លោទៅមុខដូចអ្វីដែលអត្តពលិកខ្មែរ បានបង្ហាញនៅក្នុងកីឡាស៊ីហ្គេមឆ្នាំនេះ អ្នកទាំងអស់គ្នាពិតជាធ្វើបានល្អណាស់”។
នៅក្នុងពិធីនោះ លោក អ៊ុង គីកុង នាយកគ្រប់គ្រងផ្នែកលក់ក្រុមហ៊ុនស្រាបៀរកម្ពុជាខេមប្រ៊ូវ បានសម្តែងការស្ងើចសរសើរ និងគោរពចំពោះអត្តពលិកកម្ពុជា ដែលបានចូលរួមប្រកួតនៅក្នុងព្រឹត្តិការកីឡាស៊ីហ្គេមលើកទី ២៩នេះ។ លោកបានមានប្រសាសន៍ថា៖ “ ប្រជាជនកម្ពុជាទាំងអស់ពិតជាមានមោទនភាពយ៉ាងខ្លាំងចំពោះគ្រប់អត្តពលិ កដែលបានចូលរួមប្រកួតយ៉ាងស្វិតស្វាញនៅក្នុងព្រិត្តិការណ៍កីឡាស៊ីហ្គេមនេះ ពួកយើងពិតជាមានកិត្តិយសណាស់ដែលបានក្លាយជាអ្នកគាំទ្រដ៏ស្វិតស្វាញរបស់ពួកគាត់ ”។
នៅក្នុងការប្រកួតលើកនេះ អត្តពលិកខ្មែរទទួលបានលទ្ធផលគាប់ប្រសើរជាងមុន ដោយដណ្តើមបានមេដាយសរុបចំនួន១៧គ្រឿង ក្នុងនោះមានមេដាយមាស ៣គ្រឿង មេដាយប្រាក់ ២គ្រឿង និងមេដាយសំរឹទ្ធ១២គ្រឿង បើប្រៀបធៀបកាលពីឆ្នាំ២០១៥ កម្ពុជាទទួលបានត្រឹមតែមេដាយមាស ១គ្រឿង នឹងមេដាយប្រាក់៥គ្រឿង និងមេដាយសំរិទ្ធ ៩គ្រឿងប៉ុណ្ណោះ។
ដើម្បីបង្ហាញការគាំទ្រដល់ក្រុមអត្តពលិកជាតិចូលរួមប្រកួតកីឡាស៊ីហ្គេមលើកទី២៩ ឆ្នាំ២០១៧នេះស្រាបៀរអង្គរបានកៀងគរឲ្យមានការគាំទ្រអត្តពលិកជាតិក្នុងអំឡុងពេលប្រកួតកីឡាស៊ីហ្គេមយ៉ាងសស្រក់សស្រាំដោយបង្កើតនូវបទចម្រៀងមួយបទ ស្តែងចេញនូវឆន្ទៈ និងកម្លាំងចិត្តដ៏ពុះកញ្ជ្រោលរបស់អត្តពលិកជាតិដែលខិតខំប្រឹងប្រែងហ្វឹកហាត់ដើម្បីដណ្តើមជ័យជំនះ សម្រាប់ប្រទេសជាតិខ្លួន។
ជើងឯកវិញ្ញាសារប៉េតង់ អ្នកស្រី អ៊ុក ស្រីមុំ ដែលបានឈ្នះមេដាយមាស ក្នុងវិញ្ញាសាជាក្រុមជាមួយ អ្នកស្រី កែ ឡេង បានមានវត្តមាននៅក្នុងបទកម្លាំងចិត្តបេះដូងខ្មែរនោះដែរ ហើយបទចម្រៀងមួយបទនេះបានទាក់ទាញអ្នកទស្សនារហូតដល់ទៅ ២.២លានដងក្នុងរយៈពេលត្រឹមតែ២សប្តាហ៍ នៃការចាក់ផ្សាយដំបូង រហូតបានក្លាយជាចម្រៀងមួយបទ ដែលបានទទួលការចាប់អារម្មណ៍ពីប្រជាជនខ្មែរគ្រប់មជ្ឈដ្ឋាន។
ជាងនេះទៅទៀតក៏មានហ្វេនកីឡាខ្មែរយើងរាប់រយនាក់ផ្សេងទៀត បានថតវីដេអូខ្លួនឯង ច្រៀងវគ្គរឺហ្វ្រាំងនៃបទចម្រៀងនេះហើយចែកចាយនៅលើបណ្តាញទំនាក់ទំនងសង្គម ដើម្បីបង្ហាញការគាំទ្រអត្តពលិកជាតិ។ ជាការឆ្លើយតបស្រាបៀរអង្គរ ក៏បានលើកទឹកចិត្តអ្នកគាំទ្រទាំងនោះ ដោយផ្តល់ឲ្យម្ចាស់វីដេអូប្រាំនាក់ដំបូង ដែលមានអ្នកចូលចិត្តច្រើនរហូតដល់៥០០០០០នាក់ នូវការលើកទឹកចិត្តពួកគាត់ទាំង៥នាក់ បានទៅចូលរួមស្រែកហ៊ោកញ្ជ្រៀវលើកទឹកចិត្តដល់អត្តពលិកខ្មែរដល់ទីក្រុងកូឡាឡំពួរផ្ទាល់ក្នុងពិធីបើកកីឡាស៊ីហ្គេមជាផ្លូវការតែម្តង។
Fan ម្នាក់ដែលលេចធ្លោជាងគេឈ្មោះ ពូ ឈីវ មើលទៅហាក់ដូចជាមិនអាចទប់ចិត្តខ្លួនឯងបាន បានក្រោកឡើងក្រវីទង់ជាតិខ្មែរដោយក្តីមោទនៈ បានផ្តល់កិច្ចសម្ភាសន៍ថា៖ “ក្នុងខ្លួនខ្ញុំពេញទៅដោយក្តីមោទនៈ នៅពេលដែលឃើញក្បួនក្រុមអត្តពលិកខ្មែរយើងឈានជើងចូលមកជិតវេទិកា។ នេះជាមោទនភាពដ៏អស្ចារ្យមួយសម្រាប់ខ្ញុំ ដែលមានឱកាសបានបង្ហាញទឹកទឹកចិត្តគាំទ្ររបស់ខ្ញុំផ្ទាល់ទៅឲ្យពួកគាត់ដែលប្រឹងអស់លទ្ធភាព ទោះជាលទ្ធផលយ៉ាងណាក៏មិនសំខាន់ ពួកគាត់បានក្លាយជាវិរៈជនសម្រាប់ខ្ញុំរួចទៅហើយ"។
ទស្សនាបទចម្រៀង “កម្លាំងចិត្តបេះដូងខ្មែរ” ឬ កម្រងវីដេអូក្នុងកំឡុងពេលបើកការប្រកួតកីឡាស៊ីហ្គេម៖
