- 2017-08-22 07:39:36
- ព័ត៌មាន
តាមពិត សេះដែលក្រុមកម្ពុជាឈ្នះមេដាយសំរឹទ្ធមានទាំងពិការភ្នែក និងឈឺជើង
- 2017-08-22 07:39:36
- ចំនួនមតិ 0 | ចំនួនចែករំលែក 0
តាមពិត សេះដែលក្រុមកម្ពុជាឈ្នះមេដាយសំរឹទ្ធមានទាំងពិការភ្នែក និងឈឺជើង
ចន្លោះមិនឃើញ
ទម្រាំឈ្នះមេដាយសំរឹទ្ធនៅក្នុងព្រឹត្តិការកីឡាស៊ីហ្គេម លើកទី២៩ នៅឯប្រទេសម៉ាឡេស៊ីនេះ ប្រភេទកីឡាជិះសេះកម្ពុជាជួបឧបសគ្គច្រើន ជួលសេះសល់ពីគេ មានទាំងសេះឈឺជើង និងសេះពិការភ្នែកទៀតផង។
លោក កៅ វណ្ណារិន អគ្គលេខាធិការសហព័ន្ធជិះសេះកម្ពុជាឲ្យដឹងថា សម្រាប់ការប្រកួតនៅក្នុងព្រឹត្តិការកីឡាស៊ីហ្គេមលើកទី២៩ នេះ លោកក៏ដូចជាកូនសិស្សទទួលបានបទពិសោធល្អៗជាច្រើន។ ក្នុងនោះមានដូចជាការត្រៀមខ្លួនឲ្យបានល្អក្នុងការចូលរួមព្រឹត្តិការធំៗ របៀបថែទាំសេះឲ្យបានត្រឹមត្រូវបន្ថែមទៀត និងជាពិសេសនោះគឺបច្ចេកទេសក្នុងការប្រកួតតែម្ដង។ បើនិយាយពីឧបសគ្គវិញមានច្រើន បញ្ហាទី១ នោះគឺការជួលសេះម្ចាស់ផ្ទះស៊ីហ្គេម ហើយត្រូវប្រកួតជាមួយម្ចាស់ផ្ទះម៉ាឡេស៊ីទៀត ដូច្នេះគេមិនជួលសេះល្អៗឲ្យកម្ពុជានោះទេ។ សេះទាំងនោះមានខ្លះឈឺជើង និងមានមួយទៀតនោះគឺពិការភ្នែក ប៉ុន្តែលោក រួមនិងកីឡាករមិនអស់សង្ឃឹមនោះឡើយ ហើយព្យាយាមកែច្នៃ រៀបចំដោយប្រុងប្រយ័ត្នបំផុត ថាត្រូវដាក់សេះណាមួយឲ្យរត់មុន និងប៉ុន្មានគីឡូចុងក្រោយត្រូវជិះយ៉ាងដូចម្ដេច។
អគ្គលេខាធិការខាងលើបន្តថា ជាលទ្ធផលអ្វីដែលពួកលោកគិត និងខំប្រឹងនោះវាដូចជាក់ស្ដែងតែម្ដង ហើយបទពិសោធទាំងនេះ នឹងធ្វើឲ្យកីឡាជិះកម្ពុជាទទួលបានលទ្ធផលល្អនៅព្រឹត្តិការស៊ីហ្គេម ក្រោយៗទៀត។
កីឡាជិះសេះកម្ពុជាឈ្នះបានមេដាយសំរឹទ្ធ១គ្រឿង លើវិញ្ញាសា Endurance Team កាលពីថ្ងៃទី២០ ខែសីហា ២០១៧ ខណៈលេខ១ មេដាយមាស បានទៅម៉ាឡេស៊ី លេខ២ មេដាយប្រាក់ បានទៅថៃ។ កីឡាករជិះកម្ពុជាបានវិលត្រលប់មកដល់កម្ពុជាតាំងពីល្ងាចម្សិលមិញម្ល៉េះ៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង
