- 2017-08-15 09:02:55
- ព័ត៌មាន
ម្ចាស់ជយលាភីឈ្នះសំបុត្រទៅមើលស៊ីហ្គេម នឹងត្រៀមរឿងដ៏អស្ចារ្យដើម្បីបង្ហាញពិភពលោក
- 2017-08-15 09:02:55
- ចំនួនមតិ 0 | ចំនួនចែករំលែក 0
ម្ចាស់ជយលាភីឈ្នះសំបុត្រទៅមើលស៊ីហ្គេម នឹងត្រៀមរឿងដ៏អស្ចារ្យដើម្បីបង្ហាញពិភពលោក
ចន្លោះមិនឃើញ
ក្នុងចំណោមបេក្ខជនជាច្រើននាក់ដែលថតវីដេអូច្រៀងបទ "កម្លាំងចិត្តបេះដូងខ្មែរ" សម្រាប់លើកទឹកចិត្តកីឡាករខ្មែរ ដែលទៅប្រកួតស៊ីហ្គេមនៅទីក្រុងកូឡាឡាំពួរមាន ៥នាក់ដែលបានឈ្នះក្នុងការប្រកួតនេះដោយសារមានវីដេអូមានចំនួនអ្នកទស្សនាច្រើនជាងគេ។ ក្នុងនោះ ពូឈីវ ម្នាក់ក្នុងចំណោម៥នាក់បានឲ្យដឹងថា លោកនឹងត្រៀមសកម្មភាពពិសេសៗមួយចំនួន ដើម្បីបង្ហាញដល់ពិភពលោក អំឡុងពេលប្រកួតនៅកូឡាឡាំពួរ ដែលជាម្ចាស់ផ្ទះ។
ម្ចាស់បទ"លាក់អារម្មណ៍" ដែលទើបនឹងចេញកាលពីពេលថ្មីៗ នឹងគៀងគរ សមាជិកប៉ុន្មានរូបដែលបានឈ្នះសំបុត្រទៅមើលការប្រកួតស៊ីហ្គេម ដើម្បីធ្វើយ៉ាងណាឲ្យការចូលរួមនេះមានន័យបំផុត។ លោកបញ្ជាក់ថានឹង ស្នើសុំពួកគេ ឲ្យស្លៀកពាក់ដូចៗគ្នា ព្រមទាំងមានកាន់ទង់ជាតិដ៏ធំជាមួយគ្នា និងមានកាន់មេក្រូត្រៀមសម្រាប់ស្រែកហ៊ោ ករណីកម្មវិធីទាំងមូលអនុញ្ញាត អំឡុងពេលប្រកួត ផងដែរ ចំណែកលោកនៅតែមានគូសមុខមាត់ដូចរាល់ដងដែលលោកធ្លាប់បានធ្វើកន្លងមក។
យ៉ាងណាមិញ ក្នុងដំណើរទៅប្រទេសម៉ាឡេស៊ីលើកទី១នេះ ពូឈីវ ប្រាប់ថា ជារឿងមួយដែលរំភើបទាំងមិននឹកស្មាន ហើយក្នុងនាមជាប្រធានអ្នកគាំទ្រកីឡា លោកបានបញ្ជាក់យ៉ាងមុតមាំថា ការចេញដំណើរទៅអបអរនិងគាំទ្រកីឡាករខ្មេែរនៅម៉ាឡេស៊ី លោកនឹងរៀនសូត្រពីការរៀបចំ ក៏ដូចជារបៀបវារៈផ្សេងៗ ដើម្បីត្រៀមទុកសម្រាប់ខ្មែរធ្វើជាម្ចាស់ផ្ទះនៅឆ្នាំ ២០២៣ខាងមុខ។ ដោយឡែកសំបុត្រ ២ដែលបានឈ្នះពីការប្រកួតវីដេអូរបស់ស្រាបៀរ Angkor Beer លោកនឹងនាំអ្នកឯកទេសខាងថតរូបទៅជាមួយលោក ដើម្បីផ្តិតបានទិដ្ឋភាព សកម្មភាព វីដេអូ មួយចំនួនទុកយកមកបង្ហាញ្ដល់ Fan នៅខ្មែរទៀតផង។
ជាមួយគ្នានេះ ឈ្មោះ Facebook អ្នកឈ្នះរង្វាន់ទាំង៥នាក់រួមមាន Yun Ranuth, UKISS Sunsee Etaamo, Sopheak Phuong, ពូឈីវ និង PICH Choco។
ព្រឹត្តិការណ៍ប្រកួតស៊ីហ្គេមលើកទី២៩ ឆ្នាំនេះចាប់ពីថ្ងៃទី ១៩ ខែ សីហា ដល់ ៣០ ខែ សីហា ឆ្នាំ ២០១៧ ដោយមានការប្រកួត៣៨ប្រភេទកីឡា។ នេះគឺជាលើកទី៦ហើយ ដែលម៉ាឡេស៊ីទទួលសិទ្ធិរ៉ាប់រងជាម្ចាស់ផ្ទះ ដោយលើកដំបូងនៅឆ្នាំ១៩៦៥ បន្ទាប់មក ១៩៧១, ១៩៧៧, ១៩៨៩, ២០០១ និងចុងក្រោយឆ្នាំ២០១៧នេះឯង។
ក្នុងនោះក្រសួងអប់រំ យុវជន និងកីឡាបានបញ្ចេញបញ្ជីឈ្មោះថ្នាក់ដឹកនាំ គ្រូបង្វឹក កីឡាករ និងកីឡាការិនីទាំង២៤ប្រភេទកីឡាសម្រាប់ត្រៀមចូលរួមប្រកួតកីឡាស៊ីហ្គេមលើកទី២៩នៅប្រទេសម៉ាឡេស៊ី។ គណៈប្រតិភូកីឡាកម្ពុជាដែលរួមមានថ្នាក់ដឹកនាំ គ្រូបង្វឹក កីឡាករ កីឡាការិនី និងមន្ត្រីទាំងអស់មានចំនួន២៧៤នាក់៕
