- 2017-08-10 02:46:10
- ព័ត៌មាន
ជម្រើសជាតិជនពិការ កំពុងត្អូញត្អែរពីផលវិបាកខ្វះខាតជីវភាព
- 2017-08-10 02:46:10
- ចំនួនមតិ 0 | ចំនួនចែករំលែក 0
ជម្រើសជាតិជនពិការ កំពុងត្អូញត្អែរពីផលវិបាកខ្វះខាតជីវភាព
ចន្លោះមិនឃើញ
ក្រុមកីឡាករជម្រើសជាតិជនពិការដែលហ្វឹកហាត់រៀងរាល់ថ្ងៃកំពុងត្អូញត្អែរពីកង្វះខាតជីវភាព ដើម្បីបំប៉នកម្លាំងកាយឲ្យមានកម្លាំងគ្រប់គ្រាន់ ដើម្បីត្រៀមខ្លួនចូលរួមព្រឹត្តិការណ៍អន្តរជាតិមានជាបន្ទាប់ៗ។
ក្រុមកីឡាករជនពិការទាំងអស់បានឲ្យដឹងដូចៗគ្នាថា ពួកគេកំពុងខ្វះខាត ខណៈការឧបត្ថម្ភរបស់ក្រសួងឬថ្នាក់ដឹកនាំហាក់មានភាពយឺតយ៉ាវ។ ក្នុងនោះកីឡាករ វ៉ាន វ៉ុន ជម្រើសជាតិជនពិការបានលើកឡើងថា ការឧបត្ថម្ភរបស់ថ្នាក់ដឹកនាំ គឺក្រុមកីឡាករនឹងទទួលបាន គ្រាន់តែមិនទាន់ដឹងពេលវេលាជាក់លាក់។
យ៉ាងណាក្ដីកីឡាករជនពិការទាំងអស់គ្រាន់តែសូមសំណូមពរឲ្យខាងថ្នាក់លើ មេត្តាពន្លឿនប្រាក់ឧបត្ដម្ភ ដើម្បីអាចមានលទ្ធភាពយកថវិកាទាំងនោះទៅបំប៉នខ្លួន ដើម្បីត្រៀមចូលរួមប្រកួតព្រឹត្តិការណ៍អន្តរជាតិផ្សេងៗ មានដូចជាប៉ារ៉ាហ្គេមនាខែកញ្ញា នៅប្រទេសម៉ាឡេស៊ីឆ្នាំ២០១៧ នេះជាដើម។
បច្ចុប្បន្នក្រុមកីឡាករជនពិការខាងអត្តពលកម្ម ក្រុមកីឡាកររទេះជនពិការជាដើម កំពុងហ្វឹកហាត់យ៉ាងសកម្មនៅក្នុងបរិវេណពហុកីឡដ្ឋានជាតិរៀងរាល់ព្រឹក និងល្ងាច៕
