- 2017-08-09 09:51:19
- ព័ត៌មាន
ទាញព្រ័ត្រ ទៅប្រកួតជើងឯកអាស៊ីស្អែកជាមួយការតស៊ូ ដើម្បីលទ្ធផលល្អ
- 2017-08-09 09:51:19
- ចំនួនមតិ 0 | ចំនួនចែករំលែក 0
ទាញព្រ័ត្រ ទៅប្រកួតជើងឯកអាស៊ីស្អែកជាមួយការតស៊ូ ដើម្បីលទ្ធផលល្អ
ចន្លោះមិនឃើញ
សហព័ន្ធកីឡាទាញព្រ័ត្រ នឹងបញ្ជូនកីឡាករចំនួន ១០រូបទៅចូលរួមប្រកួតជ្រើសរើសជើងឯកអាស៊ីនៅប្រទេសសិង្ហបុរី ដោយចេញដំណើរនាម៉ោង៩:០០ ព្រឹកស្អែកនេះ ប៉ុន្តែកីឡាករគ្រប់គ្នាត្រូវតែតស៊ូទើបអាចមានលទ្ធផលល្អ។
កម្មវិធីប្រកួតខាងលើ នឹងចាប់ផ្ដើមដំណើរកាចន្លោះពីថ្ងៃទី១១-១២ ខែសីហា ឆ្នាំ២០១៧ ហើយក្រុមជម្រើសជាតិកីឡាទាញព្រ័ត្រ នឹងត្រឡប់មកទឹកដីកម្ពុជាវិញនាថ្ងៃទី១៣ ខែដដែល។ ក្នុងសន្និសីទកាសែតមុននេះអ្នកស្រី ប្រាក់ សម្ផស្ស អគ្គលេខាធិការនៃសហព័ន្ធទាញព្រ័ត្រកម្ពុជាបានឲ្យដឹងថា កម្ពុជាទៅលើកនេះជាលើកទី១ ហើយអ្នកស្រីរំពឹងថា អត្តពលិករបស់ខ្លួន នឹងអាចទទួលបានលទ្ធផលល្អ។ គោលដៅរំពឹងឈ្នះជើងឯកគឺជារឿងពិបាកខ្ពស់មួយសម្រាប់កម្ពុជា ពីព្រោះប្រទេសដែលចូលរួមគឺសុទ្ធតែប្រទេសខ្លាំងខាងផ្នែកកីឡានេះ។
អ្នកស្រីបន្តថា ទិសដៅសំខាន់បំផុតគឺអាចក្រេបជញ្ជក់បទពិសោធពីប្រទេសទាំងនោះ ដើម្បីស្វែងយល់ពីរបៀបនៃការរៀបចំព្រឹត្តិការណ៍ដ៏ធំប្រចាំតំបន់នេះ។ ចំណុចពិសេសដែលអ្នកចាប់អារម្មណ៍ខ្លាំងគឺ ក្រុមកីឡាករទាំងអស់ត្រូវតែមានការតស៊ូក្នុងការប្រកួតឲ្យបានខ្ពស់ ដើម្បីស្វែងរកលទ្ធផលល្អជូនប្រទេសជាតិ។
ក្រុមកីឡាករទាញព្រ័ត្រដែលចេញទៅនេះមានចំនួនសរុប ១៥រូបក្នុងនោះកីឡាករ ១០ រូបរួមទាំងថ្នាក់ដឹកនាំចំនួន ៥រូប។ ប្រទេសដែលចូលរួមមានចំនួន ៧គឺមាន ម៉ាឡេស៊ី ប្រ៊ុយណេ នេប៉ាល់ ឆាយនីសតៃប៉ិ សាធារណរដ្ឋប្រជាមានិតចិន សិង្ហបុរី និង កម្ពុជា៕
