- 2017-07-27 07:59:40
- ព័ត៌មាន
សហព័ន្ធវាយកូនគោល នឹងបញ្ជូនកីឡាករ៤នាក់ទៅស៊ីហ្គេម ដោយមានម្នាក់ទៅហាត់នៅអាមេរិកជិត៦ខែ
- 2017-07-27 07:59:40
- ចំនួនមតិ 0 | ចំនួនចែករំលែក 0
សហព័ន្ធវាយកូនគោល នឹងបញ្ជូនកីឡាករ៤នាក់ទៅស៊ីហ្គេម ដោយមានម្នាក់ទៅហាត់នៅអាមេរិកជិត៦ខែ
ចន្លោះមិនឃើញ
សហព័ន្ធវាយកូនគោលកម្ពុជា នឹងបញ្ជូនកីឡាករ៤នាក់ទៅប្រកួតកីឡាស៊ីហ្គេមនាប្រទេសម៉ាឡេស៊ី នៅខែក្រោយនេះ។ នេះបើតាមការឱ្យដឹងរបស់កីឡាករ ពៅ ពេជ្រមេត្តា។
ក្នុងឱកាសឈ្នះជើងឯក Metfone Golf Championship ២០១៧កាលពីពេលកន្លងទៅនេះ ពេជ្រមេត្ដា បានឱ្យដឹងថារូបគេរួមជាមួយអ្នកវាយកូនគោល៣នាក់ផ្សេងទៀត នឹងធ្វើដំណើរទៅម៉ាឡេស៊ី ដើម្បីចូលរួមប្រកួតព្រឹត្តិការណ៍ស៊ីហ្គេមលើកទី២៩នេះ។ កីឡាករវ័យ២៤ឆ្នាំរូបនេះ បានឱ្យដឹងទៀតថារូបគេនិងកីឡាករដទៃបានត្រៀមខ្លួនរួចហើយដើម្បីបញ្ចេញសមត្ថភាព ត្បិតតែមិនអាចធានាមេដាយបានមែន ប៉ុន្តែនឹងខំប្រឹងប្រែងដើម្បីមុខមាត់ជាតិ។
ពៅ ពេជ្រមេត្តា ជាកីឡាករខ្លាំងម្នាក់របស់កម្ពុជា ដោយមុនទៅស៊ីហ្គេមនេះរូបគេបានទៅហ្វឹកហាត់នៅអាមេរិកជិតកន្លះឆ្នាំឯណោះ។ មួយវិញទៀត កីឡាកររូបនេះមានបទពិសោធលេងវាយកូនគោលនេះអស់ពេល៧ទៅ៨ឆ្នាំមកហើយ។
ស៊ីហ្គេម លើកទី២៩ ឆ្នាំ២០១៧ នៅប្រទេស ម៉ាឡេស៊ី នេះ កម្ពុជាបញ្ជូន ២៤ប្រភេទកីឡាចូលរួមប្រជែងយកមេដាយ ហើយកីឡាករ កីឡាការិនីទាំងអស់នឹងត្រូវទៅមុនការប្រកួតចំនួន ២ថ្ងៃ និងវិលត្រលប់មកវិញ១ថ្ងៃបន្ទាប់ពីប្រកួតចប់៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង
