- 2017-05-18 01:33:01
- ព័ត៌មាន
កុំភ្លេច! U15នារីកម្ពុជា ប៉ះ U15នារីថៃរសៀលថ្ងៃនេះ
- 2017-05-18 01:33:01
- ចំនួនមតិ 0 | ចំនួនចែករំលែក 0
កុំភ្លេច! U15នារីកម្ពុជា ប៉ះ U15នារីថៃរសៀលថ្ងៃនេះ
ចន្លោះមិនឃើញ
ក្រុមបាល់ទាត់នារីជម្រើសជាតិកម្ពុជាអាយុក្រោម១៥ឆ្នាំ (U15)ត្រូវប៉ះក្រុមខ្លាំងជម្រើសជាតិនារី ថៃអាយុក្រោម១៥ឆ្នាំ (U15) វេលាម៉ោង៤រសៀលល្ងាចថ្ងៃទី១៨ ខែឧសភា ឆ្នាំ២០១៧ នៅទីលាន KM16 Stadium ប្រទេសឡាវក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់តំបន់អាស៊ាន AFF U15 Girls' Championship 2017។ នៅវគ្គពាក់កណ្តាលផ្តាច់ព្រ័ត្រនេះដែរ ក្រុមនារីហ្វីលីពីន ប៉ះ ក្រុមនារីមីយ៉ាន់ម៉ា វេលាម៉ោង៦:៣០នាទីល្ងាច។
ប្រកួតវគ្គសន្សំពិន្ទុក្នុងពូលកន្លងមក ក្រុមបាល់ទាត់នារីកម្ពុជាបានបង្កើតកំណត់ត្រាប្រវត្តិសាស្ត្រជាលើកដំបូងក្នុងការឡើហវគ្គពាក់កណ្តាលផ្តាច់ព្រ័ត្រ បន្ទាប់ពីឈ្នះ១ ស្មើ១ និងចាញ់១។ ក្រុមនារីកម្ពុជាទើបតែប្រមូលផ្តុំហ្វឹកហាត់បានប៉ុន្មានសប្តាហ៍ក្រោមការដឹកនាំរបស់លោកគ្រូ មាស សំអឿន។
៣ប្រកួតក្នុងពូល Bរបស់កម្ពុជា
នារីកម្ពុជា ឈ្នះ នារីសិង្ហបុរី ២-១
នារីកម្ពុជា ចាញ់ នារីហ្វីលីពីន ៣-០
នារីកម្ពុជា ស្មើ នារីឥណ្ឌូណេស៊ី ១-១
ចំណែកក្រុមជើងខ្លាំងនារីថៃវិញធ្វើបានយ៉ាងល្អឥតខ្ចោះក្នុងវគ្គសន្សំពិន្ទុក្នុងពូលដោយឈរលើកំពូលតារាង និងគ្មានដៃគូស៊ុតចូលមួយគ្រាប់ឡើយពោលគឺ៤ប្រកួតឈ្នះទាំង៤ប្រកួតតែម្តង។
៤ប្រកួតក្នុងពូល A របស់នារីថៃ
នារីថៃឈ្នះក្រុមនារីវៀតណាម ១-០
នារីថៃ ឈ្នះ នារីមីយ៉ាន់ម៉ា ១-០
នារីថៃ ឈ្នះ នារីម៉ាឡេស៊ី ៧-០
នារីថៃ ឈ្នះ នារីឡាវ ៣-០
ការប្រកួតនេះវាពិបាកណាស់សម្រាប់នារីកម្ពុជាដើម្បីយកឈ្នះ ប៉ុន្តែសំនួរលើកឡើងថា តើក្រុមនារីកម្ពុជាអាចទម្លាយសំណាញ់ទីរបស់ក្រុមនារីថៃបានអត់?
