- 2017-03-05 06:06:59
- ព័ត៌មាន
អង្គការផ្កាយសមុទ្រ មានទីលានសម្រាប់កុមារពិកាភ្នែកលេងបាល់ដំបូងគេបង្អស់នៅកម្ពុជា
- 2017-03-05 06:06:59
- ចំនួនមតិ 0 | ចំនួនចែករំលែក 0
អង្គការផ្កាយសមុទ្រ មានទីលានសម្រាប់កុមារពិកាភ្នែកលេងបាល់ដំបូងគេបង្អស់នៅកម្ពុជា
ចន្លោះមិនឃើញ
អង្គការផ្កាយសមុទ្រ បានសម្ពោធទីលានបាល់ទាត់ថ្មីមួយសម្រាប់កុមារពិកាភ្នែកអាចលេងបាល់ទាត់បាន ដោយងាយបំផុត ហើយវាជាទីលានដំបូងគេបង្អស់នៅកម្ពុជា។
ក្នុងឱកាសបើកការប្រកួតពានរង្វាន់ U14 និង U10 បុរស កាលពីថ្ងៃទី៤ខែមីនាឆ្នាំ២០១៧កន្លងទៅនេះ អង្គការផ្កាយសមុទ្រ ក៏បានសម្ពោធជាផ្លូវការទីលាន Futsal សម្រាប់មនុស្សពិកាភ្នែកមួយផងដែរ។ ដោយទីលាននេះ គឺជាទីលានដំបូងគេហើយសម្រាប់កម្ពុជា ត្បិតអីវាជាការជួយជ្រោមជ្រែងធ្វើឡើយពីក្រុមហ៊ុន Sport Court របស់អាមេរិក។
បើតាមកញ្ញា ជួប វិច្ឆិកា ប្រធានអង្គរការផ្កាយសមុទ្របញ្ជាក់ថាទីលានមួយនេះ ពិតជាមានប្រយោជន៍ខ្លាំងណាស់សម្រាប់ជនពិកាភ្នែកនៅកម្ពុជា ព្រោះអីវាអាចឱ្យពួកគេបានចូលរួមលេងកីឡាបាន។ មួយវិញទៀត វាគឺជាទីលានទីមួយដែលកម្ពុជាមាន ហើយមានលក្ខណៈស្ដង់ដារអាមេរិកថែមទៀតផង។ ចំពោះការចំណាយវិញ ប្រធានអង្គរការខាងលើនេះបានបញ្ជាក់ថាអស់រាប់ម៉ឺនដុល្លារឯណោះ ព្រោះត្រូវចាក់ប៉េតុងកម្រាស់ក្រាស់នៅស្រទាប់ខាងក្រោម ហើយការរៀបខាងលើវិញ សុទ្ធតែស្ដង់ដារអាចទទួលយកបានទាំងអស់។
មិនត្រឹមតែអាចឱ្យកុមារពិកាភ្នែកអាចលេងបានបាល់ទាត់បាននោះទេ ទីលានមួយនេះក៏មានប្រយោជន៍ដល់ជនពិកាផ្សេងទៀតផងដែរ។ ដោយតាមគម្រោងទីលាននេះអាចនឹងបង្កើតជាការប្រកួតកីឡាបាល់ទះជនពិកាលើរទេះបានថែមទៀត ប៉ុន្តែវាជាគម្រោងមួយស្ថិតក្រោមការសិក្សាសិន៕
