- 2017-02-14 02:46:50
- ព័ត៌មាន
អ៊ុង វីរៈ សន្យាពង្រឹងខ្លួន ត្រៀមប្រកួតអន្តរជាតិលើទឹកដីម៉ាឡេស៊ី
- 2017-02-14 02:46:50
- ចំនួនមតិ 0 | ចំនួនចែករំលែក 0
អ៊ុង វីរៈ សន្យាពង្រឹងខ្លួន ត្រៀមប្រកួតអន្តរជាតិលើទឹកដីម៉ាឡេស៊ី
ចន្លោះមិនឃើញ
ជើងខ្លាំងជំនាញប្រើដៃ អ៊ុង វីរៈ សន្យាពង្រឹងខ្លួន ដើម្បីត្រៀមការប្រកួតស៊ីហ្គេមនៅលើទឹកដីម៉ាឡេស៊ីនៅថ្ងៃទី១៩-៣១ខែសីហា ឆ្នាំ២០១៧ ខាងមុខនេះ។
ក្រោយជាប់ឈ្មោះជាកីឡាករជម្រើសជាតិប្រដាល់សកលរបស់កម្ពុជា ដែលត្រូវចេញទៅប្រកួតក្នុងព្រឹត្តិការណ៍ខាងលើ ជើងខ្លាំងប្រដាល់សេរីរូបនេះបានឲ្យដឹងថា សកលជាជំនាញទី២ បន្ទាប់ពីសេរី ហើយគ្មានការលំបាកទេសម្រាប់គេទោះខ្លួនធ្លាប់ជាកីឡាករប្រដាល់សេរីក៏ដោយ។ ចំពោះការហ្វឹកហាត់ត្រូវតែប្រឹងឲ្យមែនទែន ដើម្បីដណ្ដើមមេដាយជូនជាតិ ព្រោះជាព្រឹត្តិការណ៍ធំមិនធ្លាប់ចូលរួម។
អ្នកប្រដាល់មកពីក្លឹបកងពលតូចឆត្រយោង៩១១ រូបនេះបន្ថែមថា តាំងពីរទទួលដំណឹងបានជាប់ជាកីឡាករជម្រើសជាតិប្រដាល់សកល រូបគេបានចាប់ផ្ដើមសម្របខ្លួនក្នុងកំឡុងហ្វឹកហាត់ ដោយព្យាយាមប្រើដៃជាងជើង។ លើសពីនេះទៅទៀតអ្នកប្រដាល់រូបនេះបានសន្យាថា នឹងចាប់ផ្ដើមពង្រឹងខ្លួនពីពេលនេះតទៅ ដើម្បីត្រៀមខ្លួនឲ្យបានល្អចូលរួមប្រជែងក្នុងព្រឹត្តិការណ៍ដ៏ធំមួយនេះ។
អ៊ុង វីរៈ នឹងចូលរួមប្រកួតប្រដាល់សកលក្នុងព្រឹត្តិការណ៍កីឡាស៊ីហ្គេមក្នុងប្រភេទទម្ងន់៨១គីឡូក្រាម៕
