- 2016-12-06 02:29:50
- ព័ត៌មាន
Yao Ming ត្រូវតែងតាំងជាទូតសម្រាប់ព្រឹត្តិការណ៍បាល់បោះពិភពលោក
- 2016-12-06 02:29:50
- ចំនួនមតិ 0 | ចំនួនចែករំលែក 0
Yao Ming ត្រូវតែងតាំងជាទូតសម្រាប់ព្រឹត្តិការណ៍បាល់បោះពិភពលោក
ចន្លោះមិនឃើញ
សហព័ន្ធបាល់បោះពិភពលោកហៅកាត់ថា FIBA បានប្រកាសតែងតាំងអតីតតារាបាល់បោះឆ្នើមជនជាតិចិន Yao Ming ជាទូតសម្រាប់ ព្រឹត្តិការណ៍បាល់បោះពិភពលោកដែលនឹងប្រកួតក្នុងឆ្នាំ២០១៩។
សេចក្ដីប្រកាសខាងលើធ្វើឡើងកាលពីថ្ងៃទី៤ ខែធ្នូដែលប្រទេសចិនគឺជាអ្នកទទួលសិទ្ធរៀបចំព្រឹត្តិការណ៍៤ឆ្នាំម្ដងនេះ។ ក្នុងអំឡុងពេលជាកីឡាករ Yao Ming ធ្លាប់លេងឲ្យជម្រើសជាតិចិននៅ បាល់បោះ World Cup ២ដង និងនៅការប្រកួតអូឡាំពិក៣ដង។
បុរសវ័យ៣៦ឆ្នាំដែលមានកម្ពស់ ២,២៩ម៉ែត្ររូបនេះបានសន្យាក្រោយកាន់តំណែងថា នឹងធ្វើសកម្មភាពផ្សព្វផ្សាយពីបាល់បោះឲ្យបានផុលផុសដល់សាធារណជន ជាពិសេសយុវជន ដើម្បីឲ្យការរៀបចំ បាល់បោះ World Cup លើកដំបូងរបស់ចិន ទទួលការចាប់អារម្មណ៍ និងមានការគាំទ្ររឹតតែខ្លាំង៕
