- 2016-09-08 20:53:26
- ព័ត៌មាន
អ្នកលោតទឹកកំណើតខ្មែរ Jordan តំណាងអាមេរិកមកប្រកួតនៅម៉ាឡេស៊ី និងអូស្ត្រាលី
- 2016-09-08 20:53:26
- ចំនួនមតិ 0 | ចំនួនចែករំលែក 0
អ្នកលោតទឹកកំណើតខ្មែរ Jordan តំណាងអាមេរិកមកប្រកួតនៅម៉ាឡេស៊ី និងអូស្ត្រាលី
ចន្លោះមិនឃើញ
កីឡាករលោតទឹកយុវជនជម្រើសជាតិអាមេរិកដែលមានដើមកំណើតខ្មែរ Jordan Windle និងអ្នកលោតទឹក៥នាក់ផ្សេងទៀតនឹងតំណាងឲ្យសហរដ្ឋអាមេរិកមកចូលរួមប្រកួតក្នុងពានរង្វាន់ FINA Grand Prix ដែលនឹងប្រកួតនៅប្រទេសម៉ាឡេស៊ី និងអូស្ត្រាលីនាខែតុលាខាងមុខនេះ។
តាមប្រភពព័ត៌មាន teamusa បានផ្សាយកាលពីម្សិលមិញថា ក្នុងចក្ខុវិស័យដើម្បីអភិវឌ្ឍយុវជនសម្រាប់អនាគត កីឡាករ កីឡាការិនីលោតទឹកទាំងអស់នឹងត្រូវបានជ្រើសរើសអាយុច្រើនបំផុតត្រឹម១៨ឆ្នាំ ឬទាបជាងនេះ។ កីឡាករ កីឡាការិនីយុវជនអាមេរិកដែលស្ថិតនៅលើគេដែលបានឈានដល់វគ្គចុងក្រោយនៃការប្រកួតលោតទឹកឯកត្តជននៅក្នុងកម្មវិធីប្រកួតជម្រុះព្រឹត្តិការណ៍ទៅអូឡាំពិករបស់អាមេរិកឆ្នាំ២០១៦កាលពីខែមិថុនាកន្លងទៅត្រូវបានជ្រើសរើសដើម្បីចូលរួមប្រកួតក្នុងពានរង្វាន់ Grand Prix ២គឺប្រទេសម៉ាឡេស៊ី និងអូស្ត្រាលីនាពេលខាងមុខនេះ។
ដូច្នេះយុវជនអាយុ១៧ឆ្នាំរបស់អាមេរិកដែលមានកំណើតខ្មែរ Jordan Windle ដែលស្ថិតនៅលើគេក្នុងវគ្គជម្រុះឯកត្តជន និងស្ថិតនៅលេខរៀងទី៤ក្នុងវិញ្ញាសាលោតបុរស១០ម៉ែត្រកាលពីជម្រុះអូឡាំពិកកន្លងមកត្រូវបានជ្រើសរើស។ ជាមួយគ្នាកីឡាករអាយុ១៧ឆ្នាំ Ben Bramley ដែលស្ថិតនៅលេខរៀងទី៦ក៏ត្រូវបានជ្រើសរើស។
៤នាក់ផ្សេងទៀតមានកីឡាការិនីអាយុ១៤ឆ្នាំ Maria Coburn, កីឡាករអាយុ១៧ឆ្នាំAlison Gibson, កីឡាការិនីអាយុ១៧ឆ្នាំ Delaney Schnell និងកីឡាការិនីអាយុ១៣ឆ្នាំ Tarrin Gilliland ក៏ត្រូវបានជ្រើសរើសសម្រាប់ដំណើរមកម៉ាឡេស៊ី និងអូស្ត្រាលីដែរ។
ការប្រកួតលោតទឹកពានរង្វាន់ FINA Grand Prix នឹងត្រូវរៀបចំនៅ Kuching ប្រទេសម៉ាឡេស៊ីពីថ្ងៃទី២១ដល់២៣ ខែតុលា និងនៅ Gold Coast ប្រទេសអូស្ត្រាលីពីថ្ងៃទី២៧ដល់៣០ ខែតុលា ឆ្នាំ២០១៦។
យុវជនអាមេរិក Jordan Windle ដែលឈ្មោះជាខ្មែរ ពិសី បានមកលេងប្រទេសកម្ពុជាដែលជាប្រទេសកំណើតរបស់ខ្លួនកាលពីខែ() និងបានចែករំលែកបទពិសោធន៍របស់ខ្លួនដល់យុវជនលោតទឹកកម្ពុជាផងដែរ៕
ប្រែសម្រួល៖ ជាន ចាន់រ៉ា
