- 2014-09-18 18:32:08
- ព័ត៌មាន
ទៅវត្តវិហារសួគ៌ ពិតជាសប្បាយភ្នែក កីឡា៤ប្រភេទនឹងបង្ហាញខ្លួនក្នុងថ្ងៃភ្ជុំបិណ្ឌ
- 2014-09-18 18:32:08
- ចំនួនមតិ 0 | ចំនួនចែករំលែក 0
ទៅវត្តវិហារសួគ៌ ពិតជាសប្បាយភ្នែក កីឡា៤ប្រភេទនឹងបង្ហាញខ្លួនក្នុងថ្ងៃភ្ជុំបិណ្ឌ
ចន្លោះមិនឃើញ
ការប្រកួតកីឡា៤ប្រភេទក្នុងថ្ងៃតែមួយក្នុងនោះមានកីឡាប្រណាំងក្របី ប្រណាំងសេះ គុនដំបង និងកីឡាចំបាប់ខ្មែរបុរាណនឹងកក្រើកក្នុងឱកាសពិធីបុណ្យភ្ជុំបិណ្ឌនាថ្ងៃភ្ជុំបិណ្្ឌថ្ងៃទី២៣ ខែកញ្ញា ឆ្នាំ២០១៤ ខាងមុខនេះ នៅវត្តវិហារសួគ៌ ស្ថិតក្នុងភូមិវិហារជើង ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។
លោក ថា ថាំង មេភូមិវិហារសួគ៌ជើង បានឲ្យដឹងថា ក្នុងថ្ងៃភ្ជុំបិណ្ឌចុងក្រោយនោះ នៅវត្តវិហារសួគ៌នឹងរៀបចំឲ្យមានការប្រកួតកីឡាជាលក្ខណៈប្រពៃណីចំនួន៤ប្រភេទផ្សេងគ្នា។ ចាប់ពីម៉ោង៧ព្រឹកដល់ម៉ោង៩ព្រឹក កីឡាប្រណាំងក្របី និងប្រណាំងសេះនឹងត្រូវចេញមុខបង្ហាញទស្សនិកជនមុនគេ ដែលក្នុងនោះប្រណាំងក្របីមាន២៥គូ និងប្រណាំងសេះមាន១៥គូ។ ការប្រណាំងនេះធ្វើឡើងជាលក្ខណៈប្រពៃណីប៉ុណ្ណោះ ដោយពុំមានបែងចែកអ្នកចាញ់ និងអ្នកឈ្នះនោះទេ ប៉ុន្តែអ្នកដែលចូលរួមប្រកួតទទួលបានប្រាក់ឧបត្ថម្ភម្នាក់ៗចំនួន៤០,០០០រៀល។
ការប្រណាំងសេះកាលពីឆ្នាំមុន
បន្ថែមលើនេះ នៅថ្ងៃរសៀលក៏នឹងមានការលេងល្បែងប្រជាប្រិយផ្សេងៗដូចជា រាំដណ្ដើមកៅអី ឡើងសសរខ្លាញ់ជាដើម។
ឆ្នាំនេះគណៈកម្មការរៀបចំការប្រកួតទទួលបានការចូលរួមជួយឧបត្ថម្ភតិចតួច ដែលធ្វើឲ្យប្រាក់ឧបត្ថម្ភដល់អ្នកចូលរួមក៏តិចតាមនោះដែរ។ ថវិកាជួយឧបត្ថម្ភទទួលបានពីឯកឧត្ដម ស្រី សុធា ១លានរៀល និងព្រះគ្រូចៅអធិការវត្តវិហារសួគ៌ ១លានរៀល។
ដូច្នេះប្រិយមិត្តដែលទៅលេងកម្សាន្តនៅវត្តវិហារសួគ៌ក្នុងថ្ងៃភ្ជុំធំពិតជាមិនខកបំណងទេ ប៉ុន្តែកុំភ្លេចចូលរួមជួយឧបត្ថម្ភតាមសទ្ធាដល់កម្មវិធីនោះឲ្យប្រព្រឹត្តិទៅកាន់តែល្អផង៕
អត្ថបទ៖ អៀង សូទ្រី
