- 2015-10-09 13:44:02
- ព័ត៌មាន
FFC មានគម្រោងច្រើនទៀតក្នុងការសាងសង់ហេដ្ឋារចនាសម្ពន្ធនៅបាទី
- 2015-10-09 13:44:02
- ចំនួនមតិ 0 | ចំនួនចែករំលែក 0
FFC មានគម្រោងច្រើនទៀតក្នុងការសាងសង់ហេដ្ឋារចនាសម្ពន្ធនៅបាទី
ចន្លោះមិនឃើញ
សហព័ន្ធកីឡាបាល់ទាត់ជាតិកម្ពុជា (FFC) នៅមានគម្រោងសាងសង់ហេដ្ឋារចនាសម្ព័ន្ធក្នុងបរិវេណមជ្ឈមណ្ឌលជាតិបាទីខេត្តតាកែវច្រើនផ្នែកបន្ថែមពីលើគម្រោងដែលបានសាងសង់រួចរាល់។
ទីលានបាល់ទាត់មជ្ឈមណ្ឌលជាតិបាទី
លោក គល់ សុផាណា អគ្គលេខាធិការសហព័ន្ធកីឡាបាល់ទាត់កម្ពុជាបានឲ្យដឹងថា FFC នៅមានគម្រោងសាងសង់ហេដ្ឋារចនាសម្ព័ន្ធច្រើនផ្នែកទៀត ដូចជាតារាងបាល់ទាត់ឆ្នេរខ្សាច់ សាលារៀនចំណេះដឹងទួទៅសម្រាប់ក្រុមយុវជនជម្រើសជាតិកម្ពុជា និងអគារសម្រាប់ហាត់ប្រាណជាដើម។ សម្រាប់រយៈពេលកំណត់ចាប់ផ្ដើមសាងសង់សហព័ន្ធមិនទាន់ប្រាប់បានឡើយ ប៉ុន្តែក្នុងគម្រោងនឹងរៀបចំធ្វើក្នុងរយៈពេលឆាប់ៗ។
លោកបន្ថែមថា ការសាងសង់ហេដ្ឋារចនាសម្ព័ន្ធខាងលើនេះ ក្នុងគោលបំណងបណ្ដុះបណ្ដាលថ្នាលយុវជនកម្ពុជាខាងផ្នែកបាល់ទាត់។ ចំណែកការសាងសង់សាលារៀនវិញ ដើម្បីបង្កើនភាពងាយស្រួលដល់យុវជនដែលកំពុងរៀនសូត្រក្នុងក្រុមជម្រើសជាតិកម្ពុជា អាចរៀនផង និងហ្វឹកហាត់បាល់ទាត់ផង។
សហព័ន្ធកីឡាបាល់ទាត់កម្ពុជាបានទទួលការអនុញ្ញាតពីសហព័ន្ធកីឡាបាល់ទាត់អន្តរជាតិ (FIFA) ឲ្យសាងសង់ទីលានបាល់ទាត់ស្មៅសិប្បនិម្មិតមួយបន្ថែមពីលើទីលានបាល់ទាត់ស្មៅធម្មជាតិចំនួន ៤ ដែលនឹងចាប់ផ្ដើមធ្វើក្នុងរយៈពេលខ្លីខាងមុខនេះ៕
អត្ថបទ៖ ស្រី សុវណ្ណដារ៉ា
