Dominic ទទួលបានលុយជិតគ្រប់មកស៊ីហ្គេមហើយ

2015-04-28 14:28:11
ព័ត៌មាន

2015-04-28 14:28:11
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រកាសរកជំនួយឧបត្ថម្ភសម្រាប់ថ្លៃធ្វើដំណើរមកជួយក្រុមបាល់បោះជម្រើសជាតិកម្ពុជានៅស៊ីហ្គេម កីឡាករបាល់បោះកូនកាត់ខ្មែរ-អាមេរិក Dominic Anthony Dar ទទួលបានប្រាក់ឧបត្ថម្ភចំនួន១៤២៥ដុល្លារហើយ ខណៈតាមចំនួនកំណត់គឺ២០០០ដុល្លារអាមេរិក។

គិតត្រឹមថ្ងៃទី២៨ ខែមេសានេះគឺមានរយៈពេល១៩ថ្ងៃហើយដែល Dominic បានប្រកាសស្វែងរកអ្នកជួយឧបត្ថម្ភ ហើយមានសប្បុរសជនចំនួន១២នាក់ហើយដែលបានបរិច្ចាគប្រាក់។ ទឹកប្រាក់ដែល Dar ទទួលបាននៅពេលនេះគឺ១៤២៥ដុល្លារអាមេរិក និងនៅរយៈពេលច្រើនថ្ងៃទៀតដែលព្រឹត្តិការណ៍កីឡាស៊ីហ្គេមនឹងមកដល់ ដូច្នេះរំពឹងថា នឹងទទួលបានគ្រប់ចំនួន។

ជុំវិញករណីនេះ សហព័ន្ធកីឡាបាល់បោះកម្ពុជាបានប្រាប់ Sabay ថា សហព័ន្ធបានកោះហៅកីឡាករខ្មែរនៅក្រៅប្រទេសចំនួន៨នាក់ក្នុងនោះមានទាំង Dominic ផងដែរដោយពួកគេទាំងអស់ជាអ្នកចេញថ្លៃសំបុត្រយន្តហោះទៅមកដោយខ្លួនឯង ប៉ុន្តែសម្រាប់ថ្លៃស្នាក់នៅ និងអាហារពេលចូលរួមប្រកួតស៊ីហ្គេម សហព័ន្ធជាអ្នកទទួលបន្ទុក៕

ចង់ដឹងព័ត៌មានពិស្តារជុំវិញករណីនេះ សូមចុច.... Dominic Anthony Dar

អត្ថបទ៖ ជាន ចាន់រ៉ា