• 2024-06-24 07:15:58
  • បាល់ទាត់

Bellingham និង Foden ​គឺ​ជា​ Gerrard និង Lampard ជំនាន់​ថ្មី​របស់​អង់គ្លេស​?

  • 2024-06-24 07:15:58
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​ក្រុម​ជម្រើស​ជាតិ​អង់គ្លេស​កំពុង​បង្ហាញ​វត្តមាន​នៅ​ប្រទេស​អាល្លឺម៉ង់ ក្នុង​ព្រឹត្តិការណ៍ EURO 2024 ​ដោយ​បង្ហាញ​ខ្លួន​ពីរ​លើក​ឈ្នះ​១​ និង​ស្មើ​​១​ក្រោម​ការ​ដឹក​​នាំ​របស់​លោក​ ​Gareth Southgate ​។

ក្រោម​ការ​ដឹក​នាំ​របស់​​លោក Gareth Southgate ហាក់​បង្ហាញ​ទម្រង់​លេង​មិន​សូវ​បាន​​ល្អ​សោះ​ ដ្បិត​ថា​មិន​ទាន់​ចាញ់​មែន​​។ យ៉ាងណា​ការ​មក​ដល់​ទឹក​ដី​អាល្លឺម៉ង់​នេះ​​ អង់គ្លេស​​បាន​​នាំ​យក​ខ្សែ​ប្រយុទ្ធ​ល្អ​ៗ និង​ឆ្នើម​ដែល​សុទ្ធតែ​ទទួល​បាន​ជោគជ័យ​ខ្លាំង​នា​រដូវ​កាលនេះ​កាល​លេង​ជាមួយ​ក្រុម​របស់​គេ​មាន​ដូ​ច​ជា Harry Kane ​​បាន​ឈ្នះ​​ស្បែកជើង​មាស​នៅ​ពាន​រង្វាន់​​តំបន់​អឺរ៉ុប Jude Bellingham ​ជា​កីឡាករ​រក​គ្រាប់​បាល់​​បាន​ច្រើន​ជាង​គេ​របស់ Real Madrid ក្នុង​ La Liga និង Champions League ខណៈ​ដែល​ Phil Foden​ ជា​កីឡាករ​ដែល​ឈ្នះ​បាន​កីឡាករ​ប្រចាំ​ English Premier League ផងដែរ​។

បើ​ទោះ​ជា​កីឡាករ​ទាំង​បី​ស្ថិត​ក្នុង​​ចំណោម​កីឡាករ​ល្អ​ៗ និង​ឈ្នះ​ពាន​ក្នុង​ព្រឹត្តិការណ៍​ដំបន់​អឺរ៉ុប​មែន​ប៉ុន្តែ​ពួក​គេ​ហាក់​លេង​មិន​សូវ​យល់ចិត្ត​គ្នា​ប៉ុន្មាន​ទេ ដែល​ធ្វើ​ឲ្យ​ក្រុម​​អង់គ្លេស​លេង​មិន​​សូវ​ទាក់ចិត្ត​អ្នកគាំទ្រ​។ Bellingham បាន​ប្រើ​កម្លាំង​និង​​​បច្ចេកទេស​របស់​គេ​លេង​បាន​យ៉ាង​ល្អ​កាល​ប្រកួត​ដែល​យក​ឈ្នះ​ទៅ​លើ ស៊ែប​ ១-០ ​ស្រប​ពេល​​ដែល​ Foden ជា​កីឡាករ​ម្នាក់​ដែល​ល្អ​ផង​ដែរ​ក្នុង​ប្រកួត​នោះ​។

​លោក Gareth Southgate ​កាល​នៅ​ជា​កីឡាករ​លោក​បាន​និយាយ​ថា ​​ពេល​កំពុង​ស្ថិត​ក្នុង​បន្ទប់​ផ្លាស់ប្ដូរ​សំលៀកបំពាក់​លោក​បាន​ឃើញ​មិត្ត​រួម​ក្រុម​សុទ្ធ​តែ​កំពូល​កីឡាករ​​ល្បីៗ​ក្នុង​លោក មាន​ដូចជា Wayne Rooney, Frank Lampard, Steven Gerrard, Paul Scholes និង Michael Owen​ ជា​ដើម​។ ប៉ុន្តែ​សម័យ​នោះ​កីឡាករ​ល្អ​ៗ​យ៉ាង​ណា​ក៏​​មិន​អាច​បង្កើត​ភាព​ជោគជ័យ​ណា​មួយ​​បាន​ ដោយ​ឡែក​សម័យ​នេះ​​មាន Harry Kane, Jude Bellingham និង Phil Foden​ ។

​កាល​ជំនាន់​លោក Gareth Southgate ​ នៅ​ជា​កីឡាករ​​​គឺ​ស្ថិត​ក្រោម​​ការ​ដឹក​នាំ​របស់​លោក Sven-Göran Eriksson ហើយ​ពេល​នោះ​អ្នកចាត់ការ​ម្នាក់​នេះ​មិន​អាច​ដក​ Frank Lampard និង Steven Gerrard ​ចេញ​ពី​ជម្រើស​ដំបូង​របស់​ក្រុម​ជម្រើស​ជាតិ​អង់គ្លេស​ឡើយ។ ​​បច្ចុប្បន្ន Jude Bellingham និង Phil Foden​ គឺ​ដូចគ្នា​ ​​ដោយ​​ស្ថិត​ក្នុង​ក្រសែភ្នែក​ជា​កីឡាករ​សំខាន់​របស់​លោក Gareth Southgate ​មិន​អាច​ខ្វះ​បាន៕

Daro Ly

មតិយោបល់