- 2024-12-15 06:45:08
- បាល់ទាត់
ពានរង្វាន់បាល់ទាត់ក្រសួងមហាផ្ទៃ ជាឱកាសនៃការជួបជុំ និងលើកទឹកចិត្តមន្ត្រីនគរបាលលេងកីឡា
- 2024-12-15 06:45:08
- ចំនួនមតិ 0 | ចំនួនចែករំលែក 0
ពានរង្វាន់បាល់ទាត់ក្រសួងមហាផ្ទៃ ជាឱកាសនៃការជួបជុំ និងលើកទឹកចិត្តមន្ត្រីនគរបាលលេងកីឡា
ចន្លោះមិនឃើញ
ពានរង្វាន់បាល់ទាត់ក្រសួងមហាផ្ទៃ លើកទី២ កំណត់ពេលវេលាជាផ្លូវការហើយដែលនឹងត្រូវបើកការប្រកួតនៅថ្ងៃទី១៦ ខែមករា ឆ្នាំ២០២៥ នៅពហុកីឡដ្ឋានជាតិ ខណៈគោលបំណងធំនៃពានរង្វាន់មួយនេះបង្កើនចំណងមិត្តភាព សាមគ្គីភាព និងជាការជួបជុំផងដែរ។
ឯកឧត្ដម សរ សិទ្ធិ ប្រធានគណៈកម្មការរៀបចំការប្រកួតពានរង្វាន់បាល់ទាត់ក្រសួងមហាផ្ទៃ បានឲ្យដឹងថា ការបង្កើតពានរង្វាន់នេះឡើងគឺស្របតាមអនុសាសរបស់ឯកឧត្ដម ស សុខា ដែលចង់ឲ្យមានជាការប្រកួតប្រចាំក្រសួងផ្ទាល់តែម្ដង។
ពានរង្វាន់នេះគឺជាការរួមចំណែកអភិវឌ្ឍន៍វិស័យកីឡាបាល់ទាត់នៅកម្ពុជា និងជាការបណ្ដុះស្មារតីដល់មន្ត្រីៗនគរបាលឲ្យស្រឡាញ់ចូលចិត្តកីឡា សាមគ្គីភាព និងជាឱកាសបានជួបជុំបង្កើនចំណងមិត្តភាពរវាង។
បញ្ជាក់ដែរថា កាលពីរសៀលថ្ងៃទី១២ ខែធ្នូ ឆ្នាំ២០២៤ ក្រុមប្រឹក្សាកីឡាក្រសួងមហាផ្ទៃ និងដឹកនាំដោយឯកឧត្ដម សរ សិទ្ធ បានបើកកិច្ចប្រជុំ និងប្រកាសអំពីការប្រកួតពានរង្វាន់បាល់ទាត់ក្រសួងមហាផ្ទៃ លើកទី២។ ការប្រកួតលើកទី២ នេះទទួលបានការចូលរួមពីបណ្តាក្លឹបកីឡាបាល់ទាត់អគ្គស្នងការដ្ឋាន ក្លឹបអគ្គលេខាធិការដ្ឋាន ក្លឹបអគ្គនាយកដ្ឋាននានាសរុបចំនួន ១៤ក្លឹប។ ពានរង្វាន់នេះនឹងចាប់ផ្ដើមពីថ្ងៃទី១៦ ខែមករា ដល់ ១១ ខែមីនា ឆ្នាំ២០២៥៕
