![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(129)/666ac35eddf93_1718272860_medium.jpg)
- 2024-06-13 11:33:17
- ព័ត៌មាន
Messi៖ ខ្ញុំមិនមើលឃើញខ្លួនឯងជាគ្រូបង្វឹកបាល់ទាត់នោះទេ
- 2024-06-13 11:33:17
- ចំនួនមតិ 0 | ចំនួនចែករំលែក 0
Messi៖ ខ្ញុំមិនមើលឃើញខ្លួនឯងជាគ្រូបង្វឹកបាល់ទាត់នោះទេ
ចន្លោះមិនឃើញ
ខ្សែប្រយុទ្ធអាហ្សង់ទីនលោក Lionel Messi នៅតែបញ្ជាក់ជំហរថា ខ្លួននឹងមិនធ្វើជាគ្រូបង្វឹកបាល់ទាត់នោះទេ ក្រោយពេលដែលអាជីពជាកីឡាកររបស់ខ្លួនបានបញ្ចប់នាពេលខាងមុខ។ នេះបើតាមការលើកឡើងរបស់កីឡាកររូបនេះប្រាប់ទៅកាន់សារព័ត៌មាន ESPN Argentina កាលពីពេលថ្មីៗនេះ។
បុរសវ័យ ៣៦ឆ្នាំរូបនេះកំពុងតែប្រកបអាជីពនៅក្លឹបអាមេរិករបស់អតីតកីឡាករល្បីរបស់អង់គ្លេសលោក David Beckham គឺក្លឹប Inter Miami។
ស្របពេលដែលខ្លួនមានវ័យរាងជ្រេ លោក Messi បាននិយាយពាក់ព័ន្ធនឹងអនាគតរបស់ខ្លួនថា៖ «ខ្ញុំតែងតែនិយាយថា ខ្ញុំមិនមើលឃើញខ្លួនឯងជាគ្រូបង្វឹកបាល់ទាត់នោះទេ។ ខ្ញុំមិនចង់តែម្ដង»។
យ៉ាងណាមិញ លោកបានបន្ថែមថា អនាគតប្រមើរមើលមិនឃើញនោះទេ។
«តែណ្ហើយ នៅក្នុងបាល់ទាត់ ក៏ដូចជានៅក្នុងជីវិត យើងមើលមិនឃើញនោះទេ។ ខ្ញុំនៅតែគិតថា ការងារហ្នឹង (ការងារជាគ្រូបង្វឹក) ជារឿងដ៏ពិបាកមួយ»។ នេះបើតាមការបន្ថែមរបស់ Messi។
លោកបានបន្តថា៖ «ប៉ុន្តែបើអ្វីដែលពាក់ព័ន្ធនឹងបាល់ទាត់ដូចជាអាច ព្រោះ [បាល់ទាត់] ជាជីវិតរបស់ខ្ញុំ ហើយដោយសារតែខ្ញុំស្រលាញ់វាខ្លាំង»។
Messi ជាកីឡាករលំដាប់ពិភពលោកមួយ។ លោកបានឈ្នះពានបាល់មាស Ballon d'Or ចំនួន ៧ដងក្នុងអាជីពបាល់ទាត់ជាង ២០ឆ្នាំរបស់លោក៕