/6523d4ce35b69_1696847040_medium.jpg)
- 2023-10-09 10:36:04
- ព័ត៌មាន
UEFA ប្រកាសពន្យារពេលរាល់ប្រកួតអន្តរជាតិនៅអ៊ីស្រាអែល
- 2023-10-09 10:36:04
- ចំនួនមតិ 0 | ចំនួនចែករំលែក 0
UEFA ប្រកាសពន្យារពេលរាល់ប្រកួតអន្តរជាតិនៅអ៊ីស្រាអែល
ចន្លោះមិនឃើញ
ស្ថាប័នបាល់ទាត់អឺរ៉ុបដែលហៅកាត់ថា UEFA ប្រកាសពន្យាររាល់ការប្រកួតបាល់ទាត់អន្តរជាតិ ដែលគ្រោងធ្វើឡើងនៅទឹកដីអ៊ីស្រាអែលនៅអំឡុង ២សប្ដាហ៍ខាងមុខនេះ។ នេះបើតាមការចុះផ្សាយរបស់សារព័ត៌មាន BBC។
អ៊ីស្រាអែលនៅពេលនេះដែរ កំពុងតែស្ថិតនៅក្នុងស្ថានភាពសង្គ្រាម ដោយសារតែមានការវាយប្រហារគ្នាកាលពីចុងសប្ដាហ៍កន្លងទៅ ដែលបណ្ដាលឱ្យមនុស្សជាង ១ពាន់នាក់ហើយបានបាត់បង់ជីវិត។
ជាមួយគ្នានេះដែរ ដោយបារម្ភពីបញ្ហាសុវត្ថិភាព UEFA សម្រេចថា ប្រកួតអន្តរជាតិដែលគ្រោងធ្វើឡើងនៅអ៊ីស្រាអែល អំឡុង ២សប្ដាហ៍ខាងមុខនេះនឹងធ្វើការពន្យាររហូតដល់អ៊ីស្រាអែលរៀបចំសន្តិសុខ និងសណ្ដាប់ធ្នាប់ឡើងវិញ។
ប្រកួតដែលត្រូវពន្យារនោះរួមមាន ប្រកួតវគ្គជម្រុះនៃព្រឹត្តិការណ៍បាល់ទាត់អឺរ៉ុប UEFA Euro 2024 រវាងអ៊ីស្រាអែល និងស្វីស ព្រមទាំងប្រកួតឈុតយុវជនអាយុក្រោម ២១ឆ្នាំ និងអាយុក្រោម ១៧ឆ្នាំ៕
