PSG ឈ្នះ Marseille ៤-០ តែ Mbappe រងរបួស

2023-09-25 11:03:45
ព័ត៌មាន

2023-09-25 11:03:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបយក្សបារាំង Paris Saint-Germain ឈ្នះប្រកួតក្របខ័ណ្ឌលីគបារាំងទល់នឹងក្លឹប Marseille ក្នុងលទ្ធផល ៤-០ កាលពីយប់ថ្ងៃអាទិត្យ តែខ្សែប្រយុទ្ធរបស់ខ្លួនគឺ កីឡាករ Kylian Mbappe រងរបួស ទំនងជាឈឺកជើង។

Mbappe ត្រូវបានផ្លាស់ប្ដូរចេញតាំងពីនាទីទី ៣២ ជំនួសវិញដោយខ្សែប្រយុទ្ធព័រទុយហ្គាល់ពាក់អាវលេខ ៩ កីឡាករ Gonçalo Ramos។ Ramos ព័រទុយហ្គាល់កើតឆ្នាំ២០០១រូបនេះ ដូរចូលមកស៊ុតចូល ២គ្រាប់ឱ្យ PSG។

មិនទាន់មានប្រភពណាបញ្ជាក់ថា Mbappe នឹងអវត្តមានប៉ុន្មានប្រកួតនោះទេ។ យ៉ាងណាមិញ បើតាមការចុះផ្សាយរបស់ BBC កីឡាករបារាំងរូបនេះអាចនឹងខកខានជួយ PSG ក្នុងប្រកួតប៉ះនឹង Newcastle United ដែលនឹងប្រព្រឹត្តិទៅនៅសប្ដាហ៍ក្រោយ៕

ប្រភព៖ BBC ប្រែសម្រួល៖ ហ៊ីម រស្មី