ការប្រកួត Madrid Derby រវាង Real Madrid និង At Madrid សរុបមកក្រុមដែលមានមូលដ្ឋាននៅទីក្រុង ម៉ាឌ្រីត ទាំង 2 នេះ ប្រកួតគ្នាសរុបទាំងអស់បាន 215 ប្រកួត។

យោងតាមស្ថិតនៃប្រកួតកន្លងមក Real Madrid មានកំណត់ត្រាល្អជាងគូប្រជែង At Madrid នៅក្នុងការប្រវត្តិសាស្រ្តបាល់ទាត់ Madrid Derby។ ក្រៅពីការជួបគ្នា នៅក្នុងលីកកំពូលរបស់អេស្ប៉ាញ La Liga គូប្រជែងទាំង 2 នេះ ក៏ធ្លាប់ជួបប្រកួតគ្នានៅក្នុងការប្រកួតក្រៅលីកអេស្ប៉ាញដែរ ដោយមានតួយ៉ាងដូចជាការប្រកួតពានទ្វីបអឺរ៉ុប UEFA Champions League ជាដើម។

នៅក្នុងការប្រកួត Champions League ក្លឹប Real Madrid និង At Madrid បានជួបប្រកួតគ្នានៅក្នុងវគ្គផ្តាច់ព្រ័ត្រ ក្នុងរដូវកាល 2013/14 និង រដូវកាល 2015/16។ ក្លឹបកំពូលទាំង 2 របស់អេស្ប៉ាញនេះ បានជួបគ្នាម្តងទៀត ក្នុងពាន Champions League វគ្គ 8 ក្រុមចុងក្រោយ ក្នុងរដូវកាល 2014/15។

ក្រុម Real Madrid និង At Madrid នឹងត្រូវប្រកួតគ្នាក្នុងក្របខ័ណ្ឌលីកកំពូលអេស្ប៉ាញ La Liga ដែលគេឱ្យឈ្មោះថា Madrid Derby នៅថ្ងៃទី 25 ខែកញ្ញា ឆ្នាំ 2023 ខាងមុខនេះ នៅកីឡដ្ឋាន Wanda Metropolitano ដោយអ្នកគាំទ្ររបស់ At Madrid សង្ឃឹមថាក្រុមរបស់ខ្លួននឹងធ្វើបានល្អ យកឈ្នះទៅលើ Real Madrid ដែលជាក្រុមភ្ញៀវ នៅក្នុងទឹកដីរបស់ខ្លួន៕