/647d719a7ce52_1685942640_medium.jpg)
- 2023-06-05 05:27:20
- ព័ត៌មាន
ខូយ កុយ ឈ្នះមេដាយប្រាក់ ១គ្រឿងទៀតលើវិញ្ញាសាហែលកង្កែប៥០ម៉ែត្រ
- 2023-06-05 05:27:20
- ចំនួនមតិ 0 | ចំនួនចែករំលែក 0
ខូយ កុយ ឈ្នះមេដាយប្រាក់ ១គ្រឿងទៀតលើវិញ្ញាសាហែលកង្កែប៥០ម៉ែត្រ
ចន្លោះមិនឃើញ
កីឡាករហែលទឹកជនពិការកម្ពុជា ខូយ កុយ បានឈ្នះមេដាយប្រាក់មួយគ្រឿងទៀតហើយឱ្យកម្ពុជាទៅលើវិញ្ញាសាហែលកង្កែប៥០ម៉ែត្រ។
វិញ្ញាសាហែលកង្កែបចម្ងាយ៥០ម៉ែត្រ SB7 នេះ កីឡាករប៉ារ៉ាហ្គេម ខូយ កុយ ប្រើថេរវេលា ៤៤.០៩ ដោយជាប់លេខ២ ស្របពេលអ្នកលេខមួយបានទៅលើកីឡាករមីយ៉ាន់ម៉ា Min Htoo (៤២.៩១)។ ដោយឡែក កីឡាករឥណ្ឌូណេស៊ី Aris Wibawa បានមេដាយសំរឹទ្ធ (៤៤.៥០)។ នេះជាមេដាយទី ២ហើយសម្រាប់ខូយ កុយ ដែលអាចដណ្ដើមបានឱ្យកម្ពុជាក្នុងប្រភេទកីឡាហែលទឹក ព្រឹត្តិការណ៍អាស៊ានប៉ារ៉ាហ្គេមលើកទី១២ ក្នុងឆ្នាំ២០២៣នេះ។
សម្រាប់ការសរុបមេដាយរបស់កម្ពុជានៅព្រឹត្តិការណ៍អាស៊ានប៉ារ៉ាហ្គេមនេះវិញ គឺកម្ពុជារកបាន១២មេដាយហើយ ក្នុងនោះមាស២គ្រឿង ប្រាក់៥គ្រឿង និងសំរឹទ្ធ៥គ្រឿង។ ការប្រកួតនឹងចាប់ផ្ដើមរហូតទៅ ដល់ថ្ងៃទី ៩ខែមិថុនាឆ្នាំ២០២៣ទើបបិទបញ្ចប់៕
