អ្នកទៅមើលបើក SEA GAME ចៀសវាងប៉ះពាល់អំពូលភ្លើងដែលមានតម្លើងនៅកីឡដ្ឋានមរតកតេជោ

2023-05-05 10:22:50
ព័ត៌មាន

2023-05-05 10:22:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរដ្ឋបាលខណ្ឌជ្រោយចង្វារ បានជូនដំណឹងដល់បងប្អូនប្រជាពលរដ្ឋដែលទៅចូលរួមទស្សនាពិធីបើកព្រឹត្តិការណ៍កីឡា SEA GAME លើកទី៣២ សូមចៀសវាងប៉ះពាល់វត្ថុទាំងឡាយដែលមានតម្លើងរួចស្រេចនៅហ្នឹងកន្លែង ពិសេសអំពូលពណ៌ស។

អំពូលព័ណ៌ស ឬហៅថា Light Stick ត្រូវបានតម្លើងជាជួរនៅតាមកៅអីអង្គុយនីមួយ។ អំពូលនេះត្រូវបានហាមប៉ះពាល់ជាពិសេស។ តាមទំព័រហ្វេសប៊ុករបស់រដ្ឋបាលខណ្ឌជ្រោយចង្វារ អំពូលនេះ ត្រូវបានតម្លើងសម្រាប់បង្ហាញផ្ទាំងទស្សនីយភាពផ្សេងៗសម្រាប់កម្មវិធីបើក និងកម្មវិធីបិទប៉ុណ្ណោះ។ ដូច្នេះចៀសវាងប៉ះពាល់ទៅលើឧបករណ៍នេះ។

ពិធីបើកព្រឹត្តិការណ៍ SEA GAME លើកទី៣២ ដែលកម្ពុជាធ្វើជាម្ចាស់ផ្ទះ ត្រៀមនឹងបើកផ្លូវការនៅល្ងាចនេះ។ តាមសម្ដេចពិជ័យសេវា ទៀ បាញ់ ដែលជាប្រធានគណៈកម្មការCAMSOC បានព្រលយនៅក្នុងសន្និសីទសារព័ត៌មានកាលសប្ដាហ៍មុនថា ព្រឹត្តិការណ៍យប់នេះ នឹងមានភាពអស្ចារ្យមិនធម្មតា ក្នុងនោះ មានច្របាច់បញ្ចូលការសម្ដែងពិសេស បូករួមសកម្មភាព សិល្បៈកម្សាន្ត ពន្លឺភ្លើងដ៏សំបូរបែបថែមទៀត។