- 2022-05-12 07:01:34
- ព័ត៌មាន
ស្លុតចិត្ត! ឈ្នះមេដាយមាសស៊ីហ្គេមភ្លាម ស្រាប់តែទទួលដំណឹងឪពុកមរណភាព
- 2022-05-12 07:01:34
- ចំនួនមតិ 0 | ចំនួនចែករំលែក 0
ស្លុតចិត្ត! ឈ្នះមេដាយមាសស៊ីហ្គេមភ្លាម ស្រាប់តែទទួលដំណឹងឪពុកមរណភាព
ចន្លោះមិនឃើញ
កីឡាការិនីវៀតណាម To Thi Trang ទទួលបានដំណឹងដ៏ស្លុតចិត្តគឺឪពុកស្លាប់ បន្ទាប់ពីឈ្នះមេដាយមាសក្នុងព្រឹត្តិការណ៍ស៊ីហ្គេមលើកទី៣១។
លោក To Van Sen បានទទួលមរណភាព មិនដល់មួយថ្ងៃ បន្ទាប់ពីកីឡាការិនី To Thi Trang ឈ្នះមេដាយមាសក្នុងប្រភេទកីឡា Kurash ក្នុងប្រភេទទម្ងន់៤៨គីឡូក្រាម។ ពេលដែល Trang កំពុងតែប្រកួតឪពុករបស់នាងបានសន្លប់ ប៉ុន្តែក្រុមគ្រួសារមិនបានប្រាប់រឿងនេះទៅនាងឡើយ ដោយសារតែចង់ឲ្យផ្ដោតលើការប្រកួត។
ភ្លាមៗ បន្ទាប់ពីឈ្នះមេដាយមាស ទើប Trang ទទួលបានដំណឹងថាឪពុកសន្លប់ ហើយចង់ត្រលប់ទៅផ្ទះ និងមិនចង់បានអ្វីទាំងអស់។ ក្នុងពិធីបំពាក់មេដាយ Trang មិនមានវត្តមានម្ដាយនិងឪពុកឈរចាំសាទរនោះទេ មានតែប្ដី មីងនិងបងប្អូនប្រុសស្រីចាំលើកទឹកចិត្ត។ ប៉ុន្មានម៉ោងបន្ទាប់ ឪពុករបស់ Trang បានទទួលមរណភាពក្នុងមន្ទីរពេទ្យ។
លោក Dao Dai Hai ដែលជាប្ដីរបស់ Trang បានឲ្យដឹងថា ឪពុកក្មេងរបស់ខ្លួនមានបញ្ហាមេរោគក្នុងថ្លើមមួយរយៈមកហើយ។ ពេលដែលប្រពន្ធរបស់គេស្ថិតក្នុងជំរុំហ្វឹកហាត់ អាការៈឪពុកក្មេងកាន់តែអាក្រក់ ដោយខ្សោយតម្រង់នោមនិងត្រូវការលាងឈាម។ បន្ទាប់មកឪពុកក្មេងក៏បានបាត់បង់ជីវិត ក្រោយពីប្រពន្ធឈ្នះមេដាយ។
To Thi Trang គឺជាអត្តពលិកដំបូងដែលជួយវៀតណាមឈ្នះមេដាយមាសមុនគេក្នុងព្រឹត្តិការណ៍ស៊ីហ្គេមលើកទី៣១។ នាងកើតក្នុងឆ្នាំ១៩៩៩ និងបានរៀបការនៅចុងឆ្នាំ២០២១៕
