- 2021-07-27 06:51:31
- ព័ត៌មាន
រឿងរំជួលចិត្តពីក្រោយរូបភាព អត្តពលិកភេទទី៣ម្នាក់ហូរទឹកភ្នែកកាត់ម៉ាស
- 2021-07-27 06:51:31
- ចំនួនមតិ 0 | ចំនួនចែករំលែក 0
រឿងរំជួលចិត្តពីក្រោយរូបភាព អត្តពលិកភេទទី៣ម្នាក់ហូរទឹកភ្នែកកាត់ម៉ាស
ចន្លោះមិនឃើញ
កីឡាករហែលទឹកចក្រភពអង់គ្លេស Tom Daley បានបញ្ចប់ការរងចាំអស់រយៈពេល១៣ឆ្នាំសម្រាប់ការឈ្នះមេដាយមាសអូឡាំពិក។
Tom និងដៃគូ Matty Lee បានឈ្នះមេដាយមាសក្នុងប្រភេទកីឡាលោតទឹក ផ្នែកបុរសជាគូ លើវិញ្ញាសាលោត១០ម៉ែត្រ ក្នុងព្រឹត្តិការណ៍អូឡាំពិកទីក្រុងតូក្យូ។ ក្រោយទទួលបានជ័យជម្នះ រូបភាពរបស់ Tom សម្រក់ទឹកភ្នែកទាំងសងខាងកាត់ម៉ាស់ ធ្វើឲ្យមានការរំជួលចិត្តជាច្រើនពីមនុស្សជុំវិញពិភពលោក។
មូលហេតុនៃការយំរបស់កីឡាករវ័យ២៧ឆ្នាំ ដោយសារតែគេបានប្រើពេលដល់ទៅ១៣ឆ្នាំ ទើបអាចរកមេដាយបាននៅអូឡាំពិក។ Tom ចូលលេងនៅអូឡាំពិកដំបូងក្នុងអាយុ១៤ឆ្នាំនៅព្រឹត្តិការណ៍ Beijing ២០១៨ ប៉ុន្តែមិនទទួលបានមេដាយឡើយ។
បន្ទាប់មកគេបានឈ្នះមេដាយសំរឹទ្ធិ២គ្រឿង ក្នុងព្រឹត្តិការណ៍អូឡាំពិកទីក្រុង London ២០១២ និង Rio ២០១៦ មុនពេលឈ្នះមេដាយមាសនៅតូក្យូឆ្នាំនេះ។ សរុបជារួម Tom បានចូលប្រកួតអូឡាំពិក៤ដងហើយ។
ក្រោយចប់ការប្រកួត Tom បាននិយាយថា គេលេងកីឡាលោតទឹកនេះ២០ឆ្នាំមកហើយ។ នេះជាលើកទី៤ដែលបានមកប្រកួតនៅអូឡាំពិក។ មិនលាក់លៀម Tom ហ៊ានប្រកាសថា ខ្លួនជាភេទទី៣។ ពេលដែលនៅក្មេង គេមិនដែលគិតថា គេអាចនឹងសម្រេចគោលដៅអ្វីមួយឡើយ ព្រោះខ្លួនជាភេទទី៣។ ក្នុងនាមជាម្ចាស់មេដាយអូឡាំពិក ពេលនេះបានបង្ហាញច្បាស់ថា គេអាចឈានដល់គ្រប់គោលដៅ៕
