- 2021-04-29 08:51:54
- ព័ត៌មាន
ដំណឹងល្អ! ព្រឹត្តិការណ៍ MLBB 515 eParty នឹងធ្វើឡើងនាពេលឆាប់ៗខាងមុខនេះ
- 2021-04-29 08:51:54
- ចំនួនមតិ 0 | ចំនួនចែករំលែក 0
ដំណឹងល្អ! ព្រឹត្តិការណ៍ MLBB 515 eParty នឹងធ្វើឡើងនាពេលឆាប់ៗខាងមុខនេះ
ចន្លោះមិនឃើញ
Montoon ដែលជាក្រុមហ៊ុនផលិតវីដេអូហ្គេម Mobile Legends: Bang Bang ដ៏ពេញនិយមបំផុត កំពុងរៀបចំគម្រោងសម្រាប់ខួបលើកទី៣នៃព្រឹត្តិការណ៍ MLBB 515 eParty ហើយនឹងអញ្ជើញអ្នកលេងហ្គេម (Gamers) ទាំងអស់នៅកម្ពុជា និងនៅអាស៊ីអាគ្នេយ៏ឲ្យចូលរួម ព្រឹត្តិការណ៍តាមអនឡាញនេះ។
ក្រោមស្លាក «Together We Achieve More» ព្រិត្តិការណ៍ MLBB 515 eParty នឹងជម្រុញទឹកចិត្ត អ្នកលេងហ្គេម (Gamers) ទាំងអស់ក្នុងតំបន់ឲ្យរក្សាភាពវិជ្ជមាន និងបន្តកិច្ចសហការ ថ្វីបើមានបញ្ហាប្រឈម បង្កឡើងដោយការរាតត្បាតជាសកលនៃជំងឺកូវីដ១៩ ដែលនាំឲ្យមានវិធានការណ៍ការបិទខ្ទប់ និងបម្រាមគោចរ ទូទាំងប្រទេសកម្ពុជាក៏ដោយ។
ជាមួយនិងអ្នកលេងសកម្មរាល់ខែ ២លាន ៥សែននាក់នៅកម្ពុជា Mobile Legends: Bang Bang គឺជាកម្មវិធីហ្គេមលើទូរស័ព្ទចល័ត ដ៏ពេញនិយមបំផុតមួយនៅកម្ពុជា ដូច្នេះហើយព្រឹត្តិការណ៍ 515 eParty ពិតជានឹងនាំមកនូវភាពរំភើប និងការសប្បាយរីករាយចម្រុះអំឡុងពេលនៃគ្រាលំបាកនេះ។ ក្នុងយុទ្ធនាការ MLBB 515 ឆ្នាំនេះនឹងមានការដាក់បង្ហាញក្រុម S.T.U.N. ដែលជាក្រុមនិម្មិតឆ្នើមដោយមានតួអង្គ សំខាន់ៗចំនួន ៣ នាក់របស់ Mobile Legends: Bang Bang រួមមាន លោក Chou កញ្ញា Selena និងលោក Brody។
ជាមួយតួអង្គថ្មីៗដ៏គួរឲ្យចាប់អារម្មណ៍ទាំងអស់នេះនឹងនាំមកនូវភាពរំភើប និងអង្រួនដួងចិត្តអ្នក គាំទ្រក្នុងព្រឹត្តិការណ៍ 515។ ក្នុងតួនាទីនៃក្រុមតួអង្គថ្មីៗ ទាំងអស់នេះ តួអង្គ Chou នឹងដឹកនាំក្រុម S.T.U.N. ដែលមានសមាជិកបីនាក់ នឹងជាតារារ៉េប អ្នករាំ និងអ្នកជិះបន្ទះក្តាររអិល ដោយគាត់នឹងចេញ Music Video ជាលក្ខណៈអន្តរជាតិ នៅថ្ងៃទី ៨ ឧសភា។
លក្ខណៈវីដេអូផ្សេងៗគ្នានឹងត្រូវបានដាក់បង្ហាញទូទាំងអាស៊ីអាគ្នេយ៍ រួមទាំងនៅប្រទេសកម្ពុជាផងដែរ ដែលសិល្បករឈានមុខគេមួយចំនួនរបស់យើង នឹងដើរតួជាតួអង្គ លោក Chou កញ្ញា Selena និងលោក Brody នៅក្នុង Music Video ពិសេសជាភាសាខ្មែរ ដែលនឹងចាក់បញ្ចាំងនៅថ្ងៃទី១៦ ខែឧសភា។ Music Video របស់គាត់នឹងជម្រុញទឹកចិត្តអ្នកគាំទ្រ MLBB នៅក្នុងតំបន់ជាមួយនឹងផ្នត់គំនិត «Together We Achieve More »។
ក្រុមហ៊ុន Montoon មិនទាន់បង្ហើបឱ្យដឹងថាតារាកម្ពុជាទាំង ៣ រូប នោះជានរណាទេ ប៉ុន្តែក្រុមហ៊ុន បានឲ្យដឹងថាអ្នកគាំទ្រទាំងអស់ធានាថានឹងរំភើបពីការចូលរួម របស់តួអង្គទាំងអស់នោះ ដែលនឹងធ្វើឱ្យព្រឹត្តិការណ៍ MLBB 515 កាន់តែក៏ក្រើកបំផុត។ តារាសម្ដែងពី MV ក៏នឹងចាប់ដៃគូជាមួយកីឡាករ MLBB កំពូលៗ របស់កម្ពុជាផងដែរ ដើម្បីសហការគ្នា ក្នុងកម្មវិធីប្រកួត Fun Match នាចុងឆ្នាំនេះ ដោយនឹងធ្វើការផ្ទាល់ ដោយពួកគេអាចសាកល្បងជំនាញលេង របស់ពួកគេទល់នឹងជើងខ្លាំងដ៏ទៃទៀត។
លោកស្រី Lillian Gao មកពីក្រុមហ៊ុន Montoon បានឲ្យដឹងថា៖ «យើងដឹងថាអ្នកគាំទ្រ និងអ្នកលេង ហ្គេម MLBB របស់យើងនៅកម្ពុជាកំពុងឆ្លងកាត់បញ្ហាលំបាកឥឡូវនេះ ដូច្នេះយើងសង្ឃឹមថាព្រឹត្តិការណ៍ MLBB 515 eParty នេះអាចនាំមកនូវភាពសប្បាយរីករាយ និងទំនាក់ទំនងដែលកំពុងត្រូវការបំផុត ជាមួយ មិត្តភក្តិនៅទូទាំងព្រះរាជាណាចក្រកម្ពុជា និងនៅទូទាំងតំបន់ នៅពេលដែលយុទ្ធនាការនេះចាប់ផ្ដើមឡើង។»
អ្នកគាំទ្រទាំងអស់ នឹងមិនចង់ខកខានអត្ថប្រយោជន៍ពីការចូលរួមនៃព្រឹត្តិការណ៍ 515 ពិសេសនេះឡើយ និងកាលបរិច្ឆេទមានដូចនៅខាងក្រោម៖
● ពីថ្ងៃទី ៨ រហូតដល់ថ្ងៃទី ១៦ ខែ ឧសភា - ពីធីចាប់រង្វាន់ 515
● ថ្ងៃទី១៥ ខែឧសភា - វីរបុរសទាំងអស់អាចចូលរួមសប្បាយរីករាយ។ ប្រសិនបើ អ្នកចូលរួមនាពេលនេះ អ្នកលេងនឹងសម្រេចបានសមិទ្ធិផល 515 ពិសេស
● ពីថ្ងៃទី១៤ រហូតដល់ថ្ងៃទី ១៦ ខែ ឧសភា - អ្នកលេងទាំងអស់នឹងទទួលបានចំណាត់ថ្នាក់ នឹងមិនធ្លាក់ចេញពីការប្រកួត សម្រាប់ ៣ ប្រកួត
● ពីថ្ងៃទី១៥ រហូតដល់ថ្ងៃទី ១៧ ខែ ឧសភា - Login ដើម្បីជ្រើសរើសតួអង្គ
សូមក្រើនរំលឹកដល់អ្នកគាំទ្រ Mobile Legends: Bang Bang នៅព្រះរាជាណាចក្រកម្ពុជាទាំងអស់ថា កម្មវិធី Mobile Legends Lovers របស់ក្រុមហ៊ុន Smart Axiata ផ្ដល់ឲ្យអតិថិជនរបស់ Smart ទាំងអស់អាច លេងហ្គេម Mobile Legends នៅពេលណាក៏បាន ឫ រយៈពេលយូរប៉ុន្មាក៏បាន ដោយគ្រាន់តែចំណាយ ២០ សេន ក្នុងមួយសប្តាហ៍ តាមរយៈយុទ្ធនាការMLBB 515
សម្រាប់ព័ត៌មានចុងក្រោយបំផុត សូមបន្តធ្វើបច្ចុប្បន្នភាពតាមរយៈទំព័រហ្វេសប៊ុក និងគេហទំព័រផ្លូវការរបស់ MLBB នៅកម្ពុជា។ អ្វីដែលប្រាកដនោះគឺថាព្រឹត្តិការណ៍ MLBB 515 ឆ្នាំនេះនឹងនាំមកនូវភាពសប្បាយរីករាយ និងភាពរំភើបដល់អ្នកគាំទ្រទូទាំងពិភពលោក។