វីរបុរសអាល្លឺម៉ង់ និង Bayern ថា Alisson ល្អជាង Neuer

2018-12-22 02:59:08
ព័ត៌មាន

2018-12-22 02:59:08
ចំនួនមតិ 0 | ចំនួនចែករំលែក 0

ចន្លោះមិនឃើញ

Oliver Kahn អតីតអ្នកចាំទីក្រុមជម្រើសជាតិអាល្លឺម៉ង់ និង Bayern Munich ជឿជាក់ថា Manuel Neuer មិនមែនជាអ្នកចាំទីលំដាប់កំពូលតទៅទៀតទេ ដោយសារបច្ចុប្បន្ន Alisson Becker របស់ Liverpool បានវ៉ាដាច់រូបគេទៅហើយ។

Kahn

បន្ទាប់ពីជោគជ័យក្នុងការផ្ទេរពី AS Roma ទៅកាន់ Liverpool ក្នុងតម្លៃ៦៧លានផោន Alisson បានបង្ហាញទម្រង់លេងយ៉ាងគួរឲ្យភ្ញាក់ផ្អើលនៅរដូវកាលនេះ ក្នុងនោះជួយក្រុមហង្សក្រហមមិនដែលស្គាល់ពាក្យថាចាញ់នៅ១៨ប្រកួតកន្លងមក។ កីឡាករប្រេស៊ីលវ័យ២៦ឆ្នាំរក្សាទី (Clean sheet) បាន១១ប្រកួត និងរបូតត្រឹម៧គ្រាប់ប៉ុណ្ណោះនៅលីគ។

នៅពេលសួរ តើរវាងកីឡាករទាំងពីរមួយណាល្អជាង Kahn បាននិយាយថា៖ "សម្រាប់បច្ចុប្បន្ននេះគឺ Alisson ល្អជាង Neuer។ យើងឃើញជាក់ស្ដែងកាលនៅ World Cup កីឡាករ Alisson បង្ហាញថាតើនរណាជាអ្នកចាំទីលំដាប់ពិភពលោកពិតប្រាកដ ស្របពេល Neuer មិនមានឱកាសច្រើនបង្ហាញសមត្ថភាពនោះទេ ណាមួយគេទើបជាពីរបួសផង"៕