- 2018-09-20 03:13:42
- ព័ត៌មាន
ស៊ុត១គ្រាប់ដ៏អស្ចារ្យយប់មិញ Mariano ប្រាប់ពីបំណងធំមួយ
- 2018-09-20 03:13:42
- ចំនួនមតិ 0 | ចំនួនចែករំលែក 0
ស៊ុត១គ្រាប់ដ៏អស្ចារ្យយប់មិញ Mariano ប្រាប់ពីបំណងធំមួយ
ចន្លោះមិនឃើញ
Mariano Diaz បានស៊ុតបញ្ចូលទី១គ្រាប់យ៉ាងអស្ចារ្យចុងម៉ោងក្នុងការប្រកួតដែល Real Madrid បំបាក់ AS Roma ៣-០ នៅកម្មវិធី UEFA Champions League។
ប្ដូរចូលនៅនាទី៧២ ម្ចាស់អាវលេខ៧ថ្មីរបស់ Real Madrid រូបនេះបានស៊ុតចូល១គ្រាប់ចូលមុំយ៉ាងល្អចំពោះមុខអ្នកគាំទ្រនៅទឹកដី Santiago Bernabeu។ ក្រោយទាក់ទាញចំណាប់អារម្មណ៍នៅប្រកួត Champions League ដំបូងជាមួយ Real ខ្សែប្រយុទ្ធ Mariano បានបង្ហើបពីគោលបំណងមួយរបស់ខ្លួន។
កីឡាករវ័យ២៥ឆ្នាំបើកទ្វារស្វាគមន៍ចំពោះការកោះហៅចូលជម្រើសជាតិអេស្ប៉ាញបើសិនជាលោក Luis Enrique ចាប់អារម្មណ៍។ "ខ្ញុំពិតជារីករាយដែលអាចស៊ុតបញ្ចូលទី ហើយពិតជាអរគុណដល់មិត្តរួមក្រុមដែលសហការ។ ខ្ញុំបើកទ្វារស្វាគមន៍បើអេស្ប៉ាញចង់ឲ្យខ្ញុំចូលជម្រើសជាតិ"។ Mariano និយាយដូច្នេះ។
គូសបញ្ជាក់ថា Mariano កើតនៅក្នុងប្រទេសអេស្ប៉ាញតែមានម្ដាយជាជនជាតិដូមីនីក ធ្លាប់លេង១ប្រកួត និងស៊ុតបញ្ចូលទីឲ្យជម្រើសជាតិដូមីនីកបាន១គ្រាប់ក្នុងប្រកួតមិត្តភាពហើយក្រោយមកក៏សុំលាឈប់ ដោយរំពឹងថានឹងអាចបង្ហាញខ្លួនជាមួយជម្រើសជាតិអេស្ប៉ាញវិញនៅថ្ងៃអនាគត៕
