- 2018-07-20 03:22:43
- ព័ត៌មាន
Kante ជួបទុក្ខធ្ងន់មុន World Cup តែមិនឲ្យនរណាដឹង
- 2018-07-20 03:22:43
- ចំនួនមតិ 0 | ចំនួនចែករំលែក 0
Kante ជួបទុក្ខធ្ងន់មុន World Cup តែមិនឲ្យនរណាដឹង
ចន្លោះមិនឃើញ
N'Golo Kanté ជាខ្សែបម្រើការពារដ៏លេចធ្លោមួយរូប និងជាកម្លាំងសំខាន់ជួយក្រុមជម្រើសជាតិបារាំងឈ្នះពាន World Cup លើកទី២ក្នុងប្រវត្តិសាស្ត្ររបស់ខ្លួន។
កីឡាករស្បែកខ្មៅដែលមានចរិតសុភាព និងញញឹមគ្រប់ពេល បានទទួលការចាប់អារម្មណ៍ខ្លាំងនៅពេលរូបគេបិទ Lionel Messi ជាប់ក្នុងជ័យជម្នះ ៤-៣ របស់បារាំងលើអាហ្សង់ទីននៅវគ្គ១៦ក្រុមចុងក្រោយ។ យ៉ាងណាមានមនុស្សមិនច្រើនទេដែលដឹងថា Kanté លេង World Cup ទាំងស្ពាយទុក្ខជាប់ខ្លួន។
តារាឆ្នើមវ័យ២៧ឆ្នាំបានបាត់បង់បងប្រុសបង្កើតតែប៉ុន្មានថ្ងៃប៉ុណ្ណោះមុនព្រឹត្តិការណ៍ World Cup ចាប់ផ្ដើម។ Niama ជាបងប្រុសរបស់ Kanté បានស្លាប់ដោយសារជំងឺគាំងបេះដូង។ នេះមិនមែនជាលើកដំបូងឡើយដែលកីឡាករស្បែកខ្មៅរូបនេះបាត់បង់សមាជិកគ្រួសារ ពោលគឺ Kanté បានបាត់បង់ឪពុកនៅអាយុ១១ឆ្នាំធ្វើឲ្យបន្ទុកគ្រួសារត្រូវធ្លាក់លើរូបគេជាអ្នករ៉ាប់រងដោយលំបាកកាលពីមុន៕
