- 2016-01-05 15:22:55
- បាល់ទាត់
Zidane ប្ដេជ្ញាជួយ Real ពេញទំហឹង ក្រោយឡើងតំណែងអ្នកចាត់ការថ្មី
- 2016-01-05 15:22:55
- ចំនួនមតិ 0 | ចំនួនចែករំលែក 0
Zidane ប្ដេជ្ញាជួយ Real ពេញទំហឹង ក្រោយឡើងតំណែងអ្នកចាត់ការថ្មី
ចន្លោះមិនឃើញ
Zinedine Zidane ត្រូវបានក្លិប Real Madrid ប្រកាសឲ្យធ្វើអ្នកចាត់ការថ្មីក្រុមស្ដេចស ដើម្បីជំនួសអ្នកចាត់ការចាស់ Rafael Benitez ដែលត្រូវបានក្លិបបណ្ដេញចេញ ក្រោយដឹកនាំបានរយៈពេលតែ៧ខែ ហើយបុរសសញ្ជាតិបារាំងរូបនេះ ប្ដេជ្ញាថានឹងជួយ Real ឲ្យអស់ពីសមត្ថភាព។
Zinedine Zidane អ្នកចាត់ការថ្មីក្រុម Real Madrid
Real បានសម្រេចបណ្ដេញលោក Benitez ចេញពីតំណែង គឺបន្ទាប់ប្រកួតស្មើ ២-២ ទល់នឹង Valencia កាលពីថ្ងៃអាទិត្យ ដែលធ្វើឲ្យស្ដេចស មានគម្លាត៤ពិន្ទុ ពីក្រុមកំពូលតារាង Atletico Madrid នៅក្របខណ្ឌ La Liga។
ចំណែកឯ Zidane ដែលធ្លាប់ជាកីឡាករ Real លេងបាន២២៥ប្រកួត និងជាអ្នកចាត់ការ Real Madrid នៅឈុត B (Real Madrid Castilla) ឥឡូវបានឡើងតំណែងជាអ្នកចាត់ការក្រុមម្ចាស់ជើងឯកអឺរ៉ុប១០សម័យកាលពេញសិទ្ធហើយ។
ក្រោយឡើងតំណែង អ្នកចាត់ការថ្មីវ័យ៤៣ឆ្នាំ បាននិយាយថា៖ "ខ្ញុំនឹងធ្វើអ្វីៗគ្រប់បែបយ៉ាង ដើម្បីជួយឲ្យក្លិបល្អបំផុត។ វាជាថ្ងៃសំខាន់បំផុតសម្រាប់ខ្ញុំ។ តាំងពីខ្ញុំមកដល់ទីនេះ ក្នុងនាមជាកីឡាករ ខ្ញុំបានដឹងថា ក្លិបនេះពិតជាអស្ចារ្យ។ យើងមានអ្នកគាំទ្រល្អបំផុតលើលោក និងជាក្លិបល្អបំផុតលើលោក ហើយខ្ញុំនឹងធ្វើអ្វីគ្រប់យ៉ាង ដើម្បីឈ្នះ។ ខ្ញុំនឹងដាក់ទាំងបេះដូង ទាំងព្រលឹង សម្រាប់ការងារមួយនេះ ដូច្នេះអ្វីៗនឹងល្អ”។
Zidane នឹងចុះកុងត្រា២ឆ្នាំកន្លះនៅកីឡដ្ឋាន Santiago Bernabéu និងក្លាយជាអ្នកចាត់ការក្រុម Real Madrid ទី១៣ ក្នុងសតវត្សនេះ៕
-ចុចអាន៖ Ronaldo ថាអនាគតអត់ចង់ធ្វើគ្រូបង្វឹកទេ ចង់រស់នៅដូចស្ដេចវិញ
ប្រែសម្រួល៖ វិន ជីវ័ន្ត ប្រភព៖ skysports