- 2022-03-10 02:51:57
- បាល់ទាត់
ស្ថិតិអាក្រក់មួយ Messi ប៉ះ Real ៩ប្រកួតចុងក្រោយរកមិនបានមួយគ្រាប់សោះ
- 2022-03-10 02:51:57
- ចំនួនមតិ 0 | ចំនួនចែករំលែក 0
ស្ថិតិអាក្រក់មួយ Messi ប៉ះ Real ៩ប្រកួតចុងក្រោយរកមិនបានមួយគ្រាប់សោះ
ចន្លោះមិនឃើញ
ខ្សែបម្រើប្រយុទ្ធ Lionel Messi មិនទាន់រកបានមួយគ្រាប់ឬ Assist នៅឡើយទេ ក្នុងការជួបប្រកួតជាមួយ Real Madrid នៅ៩ប្រកួតចុងក្រោយ។
Messi បានបង្ហាញខ្លួនជាថ្មីលេងទល់នឹង Madrid ក្នុងនាមជាកីឡាកររបស់ PSG ក្នុងជំនួបជើងពីរពានរង្វាន់ Champions League។ ប៉ុន្តែកីឡាករសញ្ជាតិអាហ្សង់ទីនមិនអាចរកគ្រាប់បាល់ជួយក្រុមបានឡើយ ខណៈ PSG ចាញ់ Real ៣-១ ក្នុងកីឡដ្ឋាន Bernabeu។
កីឡាករវ័យ៣៤ឆ្នាំមានឱកាសមាសកាលពីជើងទីមួយនៅខែមុន ប៉ុន្តែគេទាត់ប៉េណាល់ទីមិនចូល។ គ្រាប់បាល់របស់ Messi ចុងក្រោយទាត់បញ្ចូលទី Madrid កើតឡើងកាលពីខែ ឧសភា ឆ្នាំ ២០១៨។ នៅថ្ងៃនោះគេទាត់បញ្ចូលទីដោយជើងឆ្វេងជួយក្រុមតាមស្មើ ២-២ នៅកីឡដ្ឋាន Camp Nou។
ពេញមួយអាជីពរបស់ Messi រកបាន២៦គ្រាប់ទល់នឹង Real Madrid និង Assist ១៤ដង។ ម្ចាស់ពាន់ Ballon d’Or ៧សម័យបានផ្លាស់មកកាន់ PSG កាលពីរដូវក្ដៅមុនដោយគ្មានតម្លៃខ្លួន បន្ទាប់ពីអស់កុងត្រាជាមួយ Barcelona៕