- 2021-02-22 03:33:59
- បាល់ទាត់
Ole ផ្ដាំ City ថា គម្លាតគ្នា១០ពិន្ទុមែន តែរឿងភ្ញាក់ផ្អើលនឹងកើតឡើង
- 2021-02-22 03:33:59
- ចំនួនមតិ 0 | ចំនួនចែករំលែក 0
Ole ផ្ដាំ City ថា គម្លាតគ្នា១០ពិន្ទុមែន តែរឿងភ្ញាក់ផ្អើលនឹងកើតឡើង
ចន្លោះមិនឃើញ
អ្នកចាត់ការ Ole Gunnar Solskjaer បាននិយាយថា Manchester United ត្រូវតែបន្តឈរដើម្បីប្រជែងពាន ព្រោះរឿងចម្លែកភ្ញាក់ផ្អើលអាចកើតឡើងក្នុងបាល់ទាត់។
កាលពីយប់មិញ United បានយកឈ្នះ Newcastle United ៣-១ អរគុណដល់គ្រាប់បាល់របស់ Rashford, Daniel James និង Bruno Fernandes។ ជ័យជម្នះនេះបិសាចក្រហមបន្តឈរលេខ២ក្នុងតារាងពិន្ទុ គម្លាត១០ពិន្ទុពីក្រុមកំពូលតារាង Manchester City។
មានមតិជាច្រើនជឿជាក់ថា ក្រុមរបស់លោក Pep Guardiola នឹងលើកពាន Premier League ជាលើកទី៣ ក្នុងចំណោម៤រដូវកាលចុងក្រោយ។ ប៉ុន្តែលោក Ole មិនទាន់បោះបង់ក្ដីសង្ឃឹមក្នុងការប្រជែងពានឡើយ។
លោក Solskjaer បាននិយាយថា លោកមិនដែលនិយាយថាចប់ នៅពេលអ្វីមួយមិនទាន់បញ្ចប់នោះទេ។ មានគំរូរបស់ក្រុមជាច្រើនហើយដែលបន្តតស៊ូ ប្រឹងប្រែងធ្វើការងាររបស់ពួកគេ ហើយគ្រប់យ៉ាងអាចកើតឡើង។ គ្រប់ពេលដែល United ទទួលបាន៣ពិន្ទុ មានន័យថាក្រុមបានបំពេញការងាររួចរាល់។ មានរឿងភ្ញាក់ផ្អើលជាច្រើនតែកើតក្នុងបាល់ទាត់៕