- 2020-12-21 04:24:38
- បាល់ទាត់
លីគកំពូលនៅអឺរ៉ុបលេងបានជាង១០សប្ដាហ៍ មានតែ២ក្លឹបគត់មិនទាន់ចាញ់សោះ
- 2020-12-21 04:24:38
- ចំនួនមតិ 0 | ចំនួនចែករំលែក 0
លីគកំពូលនៅអឺរ៉ុបលេងបានជាង១០សប្ដាហ៍ មានតែ២ក្លឹបគត់មិនទាន់ចាញ់សោះ
ចន្លោះមិនឃើញ
ក្នុងចំណោមលីគកំពូលទាំង៥នៅអឺរ៉ុបរួមមាន Premier League, La Liga, Bundesliga, Serie A និង Ligue 1 គិតទល់ពេលនេះលេងបានជាង១០សប្ដាហ៍ហើយសម្រាប់រដូវកាលថ្មី ប៉ុន្តែមាន២ក្រុមគត់មិនទាន់ស្គាល់ពាក្យចាញ់។
AC Milan និង Juventus គឺជាក្រុមមិនទាន់ស្គាល់ពាក្យបរាជ័យ បន្ទាប់ពីលេងបាន១៣ប្រកួតនៅលីគ Serie A។ Milan កាលពីម្សិលមិញបានយកឈ្នះ Sassuolo ២-១ បន្តឈរកំពូលតារាងមាន៣១ពិន្ទុ។ ឆ្លងកាត់១៣ប្រកួតកន្លងទៅ Milan ឈ្នះ៩និងស្មើ៤ដង។
សម្រាប់ Juventus ត្បិតតែកំពុងឈរនៅលេខ៣នៃតារាងពិន្ទុ Serie A ក្រោម Inter Milan ៣ពិន្ទុ ប៉ុន្តែពួកគេមិនទាន់ចាញ់ឡើយ។ ក្នុងចំណោម១៣ប្រកួត ក្រុមរហស្សនាមសេះបង្កង់ឈ្នះ៧ ស្មើ៦។ ប្រកួតបន្ទាប់ Juventus ត្រូវប៉ះក្រុម Fiorentina ខណៈ AC Milan ជួប Lazio៕