- 2019-05-17 04:46:49
- បាល់ទាត់
Bale សុំ Zidane លេង ដើម្បីលាអ្នកគាំទ្រ Real Madrid នៅ Bernabeu ថ្ងៃអាទិត្យនេះ
- 2019-05-17 04:46:49
- ចំនួនមតិ 0 | ចំនួនចែករំលែក 0
Bale សុំ Zidane លេង ដើម្បីលាអ្នកគាំទ្រ Real Madrid នៅ Bernabeu ថ្ងៃអាទិត្យនេះ
ចន្លោះមិនឃើញ
អនាគត Gareth Bale ឈានដល់ទីបញ្ចប់ជាមួយក្រុម Real Madrid ហើយ ដោយសាមីខ្លួនបានសុំក្លឹបធ្វើពិធីលាអ្នកគាំទ្រនាប្រកួតចុងក្រោយថ្ងៃអាទិត្យនេះ។
La Liga នឹងបិទរដូវកាលនៅចុងសប្ដាហ៍នេះ ដោយក្រុម Real Madrid បើកកីឡដ្ឋានខ្លួនស្វាគមន៍ក្រុមភ្ញៀវ Real Betis នៅម៉ោង៥ល្ងាចថ្ងៃអាទិត្យ។ នេះអាចជាប្រកួតចុងក្រោយរបស់ Bale ក្នុងនាមជាកីឡាករអធិរាជសហើយ ក្រោយពីលោក Zidane បញ្ជាក់ថារូបគេមិនស្ថិតក្នុងគម្រោងរបស់លោកសម្រាប់រដូវកាលបន្ទាប់ឡើយ។
ដោយសារតែដឹងថាខ្លួននឹងអស់ឱកាសលេងឱ្យ Real Madrid ទៀតហើយនោះ អតីតកីឡាករ Spurs ខាងលើនេះបានសុំ Zidane ដើម្បីលេងប្រកួតចុងក្រោយ ក៏ដូចជាលាអ្នកគាំទ្រផងដែរ។ គេនៅចាំបានថាគ្រាដែលកីឡាករវែលចូលមក Bernabeu មានអ្នកគាំទ្រ៣ម៉ឺននាក់ស្វាគមន៍រូបគេ ដូច្នេះហើយទើបប្រកួតចុងក្រោយមុនពេលដើរចេញ Bale ចង់អរគុណនិងលាពួកគេវិញ។
Bale ចូលរួមជាមួយក្រុម Real Madrid ក្នុងឆ្នាំ២០១៣ លេងបាន២៣១ប្រកួត រកបាន១០២គ្រាប់ និងជួយក្រុមឈ្នះពានរង្វាន់១៣ពានដែរ។ ក្នុងនោះពានរង្វាន់ UEFA Champions League បាន៤ដងឯណោះ៕
