- 2019-04-08 23:55:21
- ព័ត៌មាន
២គ្រាប់របស់ Hazard ទល់ West Ham ជួយ Chelsea ហក់ទៅលេខ៣
- 2019-04-08 23:55:21
- ចំនួនមតិ 0 | ចំនួនចែករំលែក 0
២គ្រាប់របស់ Hazard ទល់ West Ham ជួយ Chelsea ហក់ទៅលេខ៣
ចន្លោះមិនឃើញ
តោខៀវ Chelsea ពេលនេះបានឡើងទៅកាន់កាប់លេខ៣ក្នុងតារាង Premier League ដោយទម្លាក់ Tottenham Hotspur ទៅលេខ៤វិញក្រោយយកឈ្នះ West Ham ២ទល់នឹង០។
ជ័យជម្នះរបស់ក្រុមមានមូលដ្ឋាននៅទីក្រុងឡុងរកបានទាំង២គ្រាប់ដោយខ្សែបម្រើឆ្នើម Eden Hazard នៅនាទី២៤ និង៩០។ បន្ថែម២គ្រាប់នេះទៀតតារាឆ្នើមសញ្ជាតិបែលហ្សិកមាន១៦គ្រាប់ហើយក្នុងតារាង Top Scorer នៅក្របខ័ណ្ឌកំពូលរបស់អង់គ្លេស តាមពីក្រោយ Sergio Aguero ដែលលេខមួយចំនួន៣គ្រាប់។
Chelsea បើសិនបាត់បង់ឱកាស Top 4 ក៏ពួកគេនៅតែមានសង្ឃឹមលេង Champions League រដូវកាលក្រោយតាមរយៈការឈ្នះពាន Europa League ដែលបច្ចុប្បន្នក្រុមនេះកំពុងត្រៀមលក្ខណៈប៉ះ Slavia Praha មកពីប្រទេសឆេកនៅវគ្គ៨ក្រុមចុងក្រោយ៕
