- 2019-03-15 04:19:35
- បាល់ទាត់
Leonardo ៖ គោលដៅភ្នំពេញក្រោន គឺឈ្នះលីគកំពូលកម្ពុជា ពេលចប់រដូវកាល
- 2019-03-15 04:19:35
- ចំនួនមតិ 0 | ចំនួនចែករំលែក 0
Leonardo ៖ គោលដៅភ្នំពេញក្រោន គឺឈ្នះលីគកំពូលកម្ពុជា ពេលចប់រដូវកាល
ចន្លោះមិនឃើញ
ការប្រកួតលីគកំពូលកម្ពុជា រដូវកាលឆ្នាំ២០១៩ នឹងបើកដំណើរការស្អែកនេះហើយ ខណៈដែលគូពិសេសជាងគេក្នុងសប្ដាហ៍ទី១នេះ គឺភ្នំពេញក្រោន ប៉ះជាមួយបឹងកេត តែម្ដង។
ការប្រកួតរវាងក្រុមទាំងពីរនេះ តែងតែល្អមើលជានិច្ចសម្រាប់អ្នកគាំទ្របាល់ទាត់នៅកម្ពុជា ហើយថ្ងៃស្អែកនេះ គេក៏រំពឹងថានឹងក្លាយជាជំនួបជក់ចិត្តផងដែរ។ លោក Leonardo គ្រូបង្វឹកក្រុមភ្នំពេញក្រោន បានស្នើដល់អ្នកគាំទ្រក្រោនទាំងអស់ថា នៅថ្ងៃស្អែកនេះលោកចង់ឃើញអាវក្រហមពេញកីឡដ្ឋាន RSN តែម្ដង។ វត្តមាននិងសំឡេងអ្នកគាំទ្រ គឺជាកីឡាករទី ១២សម្រាប់ជួយក្រុម។
អតីតគ្រូបង្វឹកជម្រើសជាតិកម្ពុជាខាងលើបានបន្ដទៀតថា លោកផ្ដាំទៅកូនក្រុមទាំងអស់ ប្រកួតប៉ះបឹងកេត មិនមែនជាប្រកួតកាត់សេចក្ដីនរណាជាជើងឯកឡើយ។ ប៉ុន្តែក្រុមត្រូវលេងឱ្យល្អបំផុតសម្រាប់ប្រកួតនេះដើម្បីជ័យជម្នះ។ គោលដៅរបស់ភ្នំពេញក្រោន គឺចប់រដូវកាល ទទួលបានពានរង្វាន់លីគកំពូលកម្ពុជា។
៥ប្រកួតចុងក្រោយរវាងក្រុមទាំងពីរនេះនៅលីគកំពូល គឺភ្នំពេញក្រោនឈ្នះ៣ដង និងបឹងកេតឈ្នះ២ដង។ ការប្រកួតរបស់ពួកគេមិនដែលថាប្រកួតណាមានគ្រាប់បាល់តិចនោះទេ៕