- 2019-02-20 13:23:10
- បាល់ទាត់
អបអរសាទរ! U22កម្ពុជាឈ្នះមីយ៉ាន់ម៉ា ២-០ ឡើងវគ្គពាក់កណ្តាលផ្តាច់ព្រ័ត្រ AFF U22
- 2019-02-20 13:23:10
- ចំនួនមតិ 0 | ចំនួនចែករំលែក 0
អបអរសាទរ! U22កម្ពុជាឈ្នះមីយ៉ាន់ម៉ា ២-០ ឡើងវគ្គពាក់កណ្តាលផ្តាច់ព្រ័ត្រ AFF U22
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាក្រោមអាយុ២២ឆ្នាំបានប្រវត្តិសាស្ត្រឡើងទៅកាន់វគ្គពាក់កណ្តាលផ្តាច់ព្រ័ត្រពានរង្វាន់យុវជនអាស៊ាន AFF U22 Championship 2019 បន្ទាប់ពីទទួលបានជ័យជម្នះលើក្រុមយុវជនជម្រើសជាតិមីយ៉ាន់ម៉ាដោយលទ្ធផល ២-០។
ការប្រកួតនៅវគ្គទី១ ក្រុមយុវជនកម្ពុជាធ្វើបានល្អទាំងការពារ និងប្រយុទ្ធដែលទទួលបានឱកាសស៊ុតនៅមុខទីរបស់មីយ៉ាន់ម៉ាជាញឹកញាប់។ ជាក់ស្តែងនៅនាទីទី១៧ កម្ពុជាទទួលបានបាល់ទាត់ពិន័យ១១ម៉ែត្រ ប៉ុន្តែ អ៊ុក សុវណ្ណស៊ុតមិនចូលដោយសារអ្នកចាំទីសង្គ្រោះបាន។
យ៉ាងណា កម្ពុជានៅតែបង្កើតភាពសប្បាយរីករាយដល់អ្នកគាំទ្រនៅពេលយុវជន យ៉ើ សាហ្វី បំប៉ោងសំណាញ់ទីមីយ៉ាន់ម៉ាបានសម្រេចនៅនាទីទី២៦ដើម្បីនាំមុខ ១-០។ បន្ទាប់មកយុវជនមីយ៉ាន់ម៉ាបានព្យាយាមដាក់វាយសម្រុក ប៉ុន្តែការស៊ុតមិនអាចជៀសផុតពីការសង្គ្រោះបាល់របស់អ្នកចាំទីរបស់កម្ពុជាមកពីក្លឹបបឹងកេតបានឡើយ។
នៅវគ្គទី១ កម្ពុជាបានបំប៉ោងសំណាញ់របស់មីយ៉ាន់ម៉ា១គ្រាប់ទៀតដែលស៊ុតចូលដោយ ស៊ីន សុផាណាត តាមរយៈបញ្ជូនបាល់ដោយខ្សែការពារ យ៉ើ សាហ្វី នៅនាទីទី៥០ដើម្បីនាំមុខ ២-០។ បន្ទាប់មក មីយ៉ាន់ម៉ាបានព្យាយាមបានវាយសម្រុក និងដាក់សម្ពាធខ្លាំង ប៉ុន្តែមិនអាចទម្លាយសំណាញ់ទីរបស់កម្ពុជាបានឡើយ ខណៈយុវជនកម្ពុជាថយចុះកម្លាំងច្រើន។ ជាពិសេសខ្សែប្រយុទ្ធ សៀង ចន្ធា អត់បានចូលលេងប្រហែលជា១០នាទីចុងក្រោយ ដោយសារដូរកីឡាករអស់៣នាក់ហើយ។
នេះជាការទទួលបានជ័យជម្នះ២លើកជាប់គ្នារបស់យុវជនកម្ពុជាក្នុងវគ្គសន្សំពិន្ទុក្នុងពូលដែលមាន៦ពិន្ទុ ឈរលើកំពូលតារាងពូល B ដើម្បីឡើងទៅកាន់វគ្គខ្វែង ឬវគ្គពាក់កណ្តាលផ្តាច់ព្រ័ត្រ។ ប្រកួតលើកទី១ កម្ពុជាឈ្នះម៉ាឡេស៊ី ១-០ និងលើកទី២ ឈ្នះមីយ៉ាន់ម៉ា ២-០ គឺស៊ុតចូលគេ៣គ្រាប់ ប៉ុន្តែមិនមានរបូតគ្រាប់បាល់ឡើយដោយអ្នកចាំគឹមហ៊ុយជួយបានយ៉ាងល្អ។ នេះជាកំណត់ត្រាថ្មីរបស់យុវជនកម្ពុជាដែលបង្កើតប្រវត្តិសាស្ត្រឡើងវគ្គពាក់កណ្តាលផ្តាច់ព្រ័ត្រ៕
ពិន្ទុពូល B