- 2017-05-23 07:53:55
- បាល់ទះ
សមាជិកបាល់ទះវិសាខាគ្រោងបង្កើតមូលនិធិជួយធ្វើទីលានបាល់ទះ១នៅព្រៃវែង
- 2017-05-23 07:53:55
- ចំនួនមតិ 0 | ចំនួនចែករំលែក 0
សមាជិកបាល់ទះវិសាខាគ្រោងបង្កើតមូលនិធិជួយធ្វើទីលានបាល់ទះ១នៅព្រៃវែង
ចន្លោះមិនឃើញ
សមាជិកក្រុមបាល់ទះដ៏លេចធ្លោវិសាខាម្នាក់គ្រោងនឹងបង្កើតមូលនិធិដើម្បីជួយកសាងទីលានបាល់ទះនៅសាលាអនុវិទ្យាល័យអង្គរទ្រេតដែលស្ថិតនៅស្រុកស្វាយអន្ទរ ខេត្តព្រៃវែងដោយមានការគាំទ្រពីនាយកសាលា។
អ្នកលេងបាល់ទះ ប៉ូច ចាន់ថុល បានឲ្យដឹងថា សព្វថ្ងៃនេះ កីឡាបាល់ទះកំពុងពេញនិយមលេងពេញផ្ទៃប្រទេសកម្ពុជា ដោយសារកីឡានេះមិនទាមទារទីធ្លាធំ និងចំនួនមនុស្សច្រើនដូចកីឡាមួយចំនួននោះទេ។ ដោយមើលឃើញពីសកម្មភាពបំផុសកីឡាបាល់ទះនៅស្រុកស្វាយអន្ទរកន្លងមក ទើបធ្វើឲ្យលោកកើតក្តីអាណិតអាសូរដល់ប្អូនៗសិស្សសាលា និងប្រជាពលរដ្ឋនៅទីនោះ ហើយមានគម្រោងបង្កើតមូលនិធិកសាងទីលានបាល់ទះសាលាអង្គរទ្រេត ដើម្បីប្រមូលថវិកា ឯកសណ្ឋាន និងសម្ភារៈហ្វឹកហាត់យកទៅជួយសាលារៀននោះ។
ទោះជាយ៉ាងណា លោកបានបញ្ជាក់ថា ការបង្កើតមូលនិធិទៅបានមិនមែនស្រ័យលើលោកតែម្នាក់នោះទេគឺលោកនឹងព្យាយាមប្រមូលកៀរគរមិត្តភ័ក្ដិ អ្នកស្គាល់ និងអំពាវនាវដល់សប្បុរសជនឲ្យចូលរួមបរិច្ចាគទាំងអស់គ្នាដើម្បីមានលទ្ធភាពឈានដល់ការកសាង។
ចំណែកលោក ទេព ចាន់ នាយកសាលាអង្គរទ្រេតបានឲ្យដឹងថា សាលាបង្កើតឡើងនៅឆ្នាំ២០០៧ លើផ្ទៃដីទំហំជាង៦ពាន់ម៉ែត្រក្រឡា។ សាលាមានតារាងបាល់បោះដី១កន្លែង តារាងប៊ូលដី១កន្លែង ប៉ុន្តែមិនទាន់មានតារាងបាល់ទាត់ និងបាល់ទះនៅឡើយទេ ដោយសារទីធ្លាក្នុងបរិវេណសាលាស្ទើរតែទាំងស្រុងជាដីស្រែ និងស្រះទឹក ដូច្នោះហើយទើបសាលាខ្វះទីធ្លាសាងសង់អគារសិក្សា ទីលានបាល់ទាត់មួយ និងទីលានកីឡាមួយចំនួនរហូតដល់សព្វថ្ងៃនេះ។
លោកបញ្ជាក់ថា ស្រះទឹកដែលគ្រោងនឹងចាក់ដីបំពេញនោះអស់ថវិកាចំនួន៣០០០០០០រៀល ហើយសាលាមានថវិកាចំនួន៤០០០០០រៀល ដូច្នេះនៅខ្វះថវិកាចំនួន២៦០០០០០ រៀលទៀត៕
