- 2016-03-12 19:52:04
- បាល់ទះ
អង្គរក្សឈ្នះក្រសួងមហាផ្ទៃ តែអស់ឱកាសយកលេខមួយ
- 2016-03-12 19:52:04
- ចំនួនមតិ 0 | ចំនួនចែករំលែក 0
អង្គរក្សឈ្នះក្រសួងមហាផ្ទៃ តែអស់ឱកាសយកលេខមួយ
ចន្លោះមិនឃើញ
ក្រុមកីឡាបាល់ទះបញ្ជាការដ្ឋានអង្គរក្សបានយកឈ្នះក្រុមក្រសួងមហាផ្ទៃដោយលទ្ធផល ៣សិតទល់នឹង១សិត កាលពីព្រឹកថ្ងៃទី១២ខែមីនាឆ្នាំ២០១៦នេះ នៅទីលានសាលាខេត្តកំពង់ចាម។ តែទោះជាយ៉ាងនេះក្ដី ក្រុមអង្គរក្សមិនអាចប្រជែងយកលេខមួយបានទេ ព្រោះ៤ប្រកួតមកនេះ ពួកគេចាញ់២ប្រកួតឈ្នះ២ប្រកួត។
ការប្រកួតបាល់ទះអបអរបុណ្យទន្លេនៅឆ្នាំនេះ មាន៥ក្រុមចូលរួមគឺ បញ្ជាការដ្ឋានអង្គរក្ស កងពលធំអន្តរាគមន៍លេខ៣ ក្រសួងមហាផ្ទៃ សាលាខេត្តកំពង់ចាម និងក្រុមវិសាខា។ ជាលទ្ធផលក្រោយការប្រកួតព្រឹកមិញនេះ ក្រុមបញ្ជាការដ្ឋានអង្គរក្សអស់តួនាទីក្នុងការប្រកួតនេះទៀតហើយ ទោះឈ្នះក្រុមក្រសួងមហាផ្ទៃ៣-១ ក៏ដោយ ព្រោះ៤ប្រកួតរបស់ពួកគេ បានត្រឹមតែឈ្នះ២ចាញ់២។ ខណៈដែលក្រុមក្រសួងមហាផ្ទៃនៅមានសង្ឃឹមនៅឡើយ ព្រោះ៣ប្រកួតពួកគេឈ្នះ២ចាញ់១នៅសល់មួយប្រកួតក្នុងដៃនៅថ្ងៃស្អែក។
ដោយឡែកក្រុមដែលត្រូវអុតមើលនៅថ្ងៃស្អែកទៀតនោះគឺក្រុមក្រសួងមហាផ្ទៃ កងពលធំអន្តរាគមន៍លេខ៣ និងក្រុមវិសាខា ដែល៣ក្រុមនេះមានពិន្ទុប្រដេញគ្នា ហើយនៅសល់១ប្រកួតនៅថ្ងៃស្អែកដួចគ្នា។ ចំពោះក្រុមដែលអស់ឱកាសហើយនោះគឺ បញ្ជាការដ្ឋានអង្គរក្សនិងក្រុមសាលាខេត្តកំពង់ចាម ដែល២ប្រកួតកន្លងមកចាញ់ទាំងពីរប្រកួត៕
អត្ថបទ៖ មុន្នី រម្យ
