- 2024-08-18 10:26:30
- បាល់ទះ
តំណាងសហព័ន្ធបាល់ទះ៖ អរគុណវិស័យឯកជនប្រកៀកស្មាជាមួយសហព័ន្ធអភិវឌ្ឍន៍ធនធានជាបន្តបន្ទាប់
- 2024-08-18 10:26:30
- ចំនួនមតិ 0 | ចំនួនចែករំលែក 0
តំណាងសហព័ន្ធបាល់ទះ៖ អរគុណវិស័យឯកជនប្រកៀកស្មាជាមួយសហព័ន្ធអភិវឌ្ឍន៍ធនធានជាបន្តបន្ទាប់
ចន្លោះមិនឃើញ
តំណាងសហព័ន្ធកីឡាបាល់ទះកម្ពុជា ថ្លែងអំណរគុណដល់វិស័យឯកជនដែលប្រកៀកស្មាជាមួយសហព័ន្ធនាពេលកន្លងមកឧបត្ថម្ភបង្កើតជាការប្រកួតនានារួមគ្នាអភិវឌ្ឍន៍ធនធានឲ្យមានកាន់តែច្រើននៅកម្ពុជា។
លោកបណ្ឌិត អាំង សិរីពិសិដ្ឋ បានលើកឡើងក្នុងពិធីចុះហត្ថលេខាលើអនុស្សរណៈយោគយល់(MOU) ម្សិលមិញនេះថា ក្រុមហ៊ុនខ្មែរប៊ែវើរីជីស មិនដែលឆ្លើយថាទេនោះទេនៅពេលការស្នើសុំរៀបចំការប្រកួតពានរង្វាន់ផ្សេងៗកន្លងទៅ។ ក្រុមហ៊ុនតែងតែនៅប្រកៀកស្មាជាមួយសហព័ន្ធបាល់ទះរៀបចំព្រឹត្តិការណ៍ធំៗច្រើននាពេលកន្លងមកដែលសកម្មភាពទាំងនេះហើយជាការរួមចំណែកលើកស្ទួយវិស័យកីឡានៅកម្ពុជា បណ្ដុះធនធានកីឡាករថ្នាលក្មេងៗជំនាន់ក្រោយដើម្បីបន្តវេន និងបង្កើតកិត្យានុភាពលើឆាកអន្តរជាតិជូនជាតិមាតុភូមិ។
អគ្គលេខាធិការខាងលើក៏ប្ដេជ្ញានឹងខំប្រឹងប្រែងរៀបចំការប្រកួតឲ្យបានល្អ និងធ្វើឲ្យវិស័យកីឡាបាល់ទះរឹតតែរីកចម្រើន និងបំពេញបំណងមហាជនអ្នកគាំទ្របានទស្សនាការប្រកួតដែលល្អមើល និងកក្រើកជាបន្តបន្ទាប់តទៅទៀត។
បញ្ជាក់ដែរថា ម្សិលមិញនេះសហព័ន្ធបាល់ទះកម្ពុជាជាមួយក្រុមហ៊ុនខ្មែរប៊ែវើរីជីស ចុះហត្ថលេខាលើអនុស្សរណៈយោគយល់(MOU) លើការប្រកួតធំៗចំនួន ៤ ក្នុងឆ្នាំ២០២៤ នេះរួមមាន ទី១ ការប្រកួតដណ្ដើមប្រាក់រង្វាន់សម្ដេចបវរធិបតី 2024 ទី២ SEA V LEAGUE ទី៣ ការប្រកួតដណ្ដើមពានរង្វាន់សម្ដេចក្រឡាហោម ស ខេង 2024 និងទី៤ ការប្រកួតពានរង្វាន់ WURKZ SPECIAL VOLLEYBALL CHALLENGE 4X4៕
