- 2024-06-10 08:29:43
- បាល់ទះ
កីឡាផ្សារភ្ជាប់ជាមួយកិច្ចការសប្បុរសធម៌! សហព័ន្ធបាល់ទះកម្ពុជាបរិច្ចាគថវិកា ៩,៩៩៩ដុល្លារដល់គន្ធបុប្ផា
- 2024-06-10 08:29:43
- ចំនួនមតិ 0 | ចំនួនចែករំលែក 0
កីឡាផ្សារភ្ជាប់ជាមួយកិច្ចការសប្បុរសធម៌! សហព័ន្ធបាល់ទះកម្ពុជាបរិច្ចាគថវិកា ៩,៩៩៩ដុល្លារដល់គន្ធបុប្ផា
ចន្លោះមិនឃើញ
លោកបណ្ឌិត អាំង សិរីពិសិដ្ឋ តំណាងប្រធានសហព័ន្ធកីឡាបាល់ទះកម្ពុជា ព្រឹកមិញនេះដឹកនាំគ្រូបង្វឹក កីឡាករជម្រើសជាតិនាំថវិកា ៩,៩៩៩ដុល្លារទៅបរិច្ចាកដល់មន្ទីរពេទ្យគន្ធបុប្ផាដើម្បីជួយសម្រួលដល់ការព្យាបាលកុមារកម្ពុជាបន្តទៀត។
លោកបណ្ឌិត អាំង សិរីពិសិដ្ឋ បានឲ្យដឹងកាលពីព្រឹកមិញនេះថា នេះជាសកម្មភាពផ្សារភ្ជាប់រវាងកីឡា និងកិច្ចការសប្បុរសធម៌ពិសេសការជួយសង្គមតែម្ដង។ ថវិកាដែលបរិច្ចាគនេះដែរគឺបានមកពីរួមចំណែករបស់កីឡាករដែលទទួលបានជ័យជម្នះមកពី តៃវ៉ាន់ ផង និងបណ្ដាស្នងការទាំង ២៥ ខេត្ត-ក្រុង ផងដែរ។
តំណាងសហព័ន្ធបាល់ទះខាងលើបន្ថែមទៀតថា ការបរិច្ចាគនេះនឹងធ្វើជារៀងរាល់ឆ្នាំ មិនមែនទាល់តែក្រុមឈ្នះពីការប្រកួតផ្សេងៗនោះទេ។ លោកបណ្ឌិត អំពាវនាវផងដែរដល់គ្រប់វិស័យកីឡា រួមទាំងបណ្ដាក្រុមហ៊ុន សប្បុរសជននានាសូមជួយបរិច្ចាគជាថវិកាតាមលទ្ធភាពដើម្បីជួយដល់មន្ទីរពេទ្យឲ្យមានលទ្ធភាពបន្តជួយព្យាបាលកុមារកម្ពុជា។
បញ្ជាក់ដែរថា ពិធីប្រគល់ថវិកាបរិច្ចាគ ៩,៩៩៩ដុល្លារ នេះធ្វើឡើងនៅព្រឹកថ្ងៃទី១០ ខែមិថុនា ឆ្នាំ២០២៤ ក្នុងសាលនៃមន្ទីរពេទ្យគន្ធបុប្ផា។ ពិធីប្រគល់ថវិកានេះដឹកនាំដោយលោកបណ្ឌិត អាំង សិរីពិសិដ្ឋ គ្រូជម្រើសជាតិជនជាតិចិន និងកីឡាករជម្រើសជាតិទាំងឈុតធំ និងថ្នាល៕
