/U20/66544f65a11e6_1716801360_medium.jpg)
- 2024-05-27 09:26:00
- បាល់ទះ
ឆែលស៊ី សង្ឃឹមក្រុមបាល់ទះកម្ពុជាឈ្នះមេដាយមាស SEA Games ឆ្នាំ២០២៥
- 2024-05-27 09:26:00
- ចំនួនមតិ 0 | ចំនួនចែករំលែក 0
ឆែលស៊ី សង្ឃឹមក្រុមបាល់ទះកម្ពុជាឈ្នះមេដាយមាស SEA Games ឆ្នាំ២០២៥
ចន្លោះមិនឃើញ
កីឡាករជំនាញការការពារ (Libero) សេង គីមហាប់ ហៅ ឆែលស៊ី បានដាក់ក្ដីសង្ឃឹមឈ្នះមេដាយមាសក្នុងព្រឹត្តិការណ៍កីឡាស៊ីហ្គេមលើកទី៣៣ឆ្នាំ២០២៥ក្នុងប្រទេសថៃ។
ការដាក់ក្ដីរំពឹងខ្ពស់របស់កីឡាករ ឆែលស៊ី គឺដោយសារថ្មីៗនេះ វិសាខា បាននាំកីឡាករបារាំងចំនួន៣រូបមកជួយក្រុមដែលជាឱកាសកីឡាករកម្ពុជា ជាពិសេសកីឡាករបាល់ទះជម្រើសជាតិកម្ពុជា ក្រេបយកបទពិសោធន៍ បច្ចេទេស និងតិចនិកល្អៗពីកីឡាករប៉ែកអឺរ៉ុប។
លីប្រូមានដើមកំណើតនៅខេត្តសៀមរាប បានពន្យល់ពីការស្រង់បទពិសោធន៍ពីកីឡាករបារាំងថា ៖«កីឡាករបារាំងយើងទើបហាត់ជាមួយគាត់បានប្រមាណជាបីថ្ងៃបួនថ្ងៃ ប៉ុន្តែពួកគាត់ព្យាយាមមែនទែន ព្យាយាមធ្វើម៉េចក៏ដោយឲ្យត្រូវជាមួយកីឡាកររបស់យើង គឺគាត់ព្យាយាមកែទម្លាប់ពីការលេងបាល់អឺរ៉ុបមកលេងបាល់អាស៊ី ចឹងពួកយើងទទួលបានបទពិសោធន៍ច្រើនមែនទែន ខ្ញុំជឿថាបទពិសោធន៍នេះនឹងធ្វើឲ្យយើងរកមេដាយមាសបាននៅស៊ីហ្គេមឆ្នាំ២០២៥នៅថៃ»។
ក្រៅពីនេះ ឆែលស៊ី បានបន្ថែមថាកីឡាករកម្ពុជាក៏បានហ្វឹកហាត់ជាមួយគ្នាយូរមកហើយដែរ ដូច្នេះកម្ពុជានឹងខ្លាំងដែលប្រទេសផ្សេងៗទៀតមិនអាចមើលស្រាលដូចកាលពីមុនឡើយ៕
